Grûbanê Hukmatê Şamî yê Demdemî reyna herêma Dêr Hafîrîî ya Kantonê Tebqa hedef girewt. Hêrişê bi grûbanê çekdaran ke bi droneyan ame kerdene. Sîvîlêk birîndar bi û Rayîrê Tebqa-Selemiyê ame qefilnayene.

Hewteyanê peyênan de hêrişî zêdîyayî, 20ê êlule de dewa Um Tîna de netîceya hêrişan de 8 sîvîlan dinyaya xo bedilnaye û 3 sîvîlî zî birîndar bîyî.

Hetê bînî ra ewro saetanê serê sibayî de hêzanê Hukmatê Demdemî  rayîrê Selemiyê-Tebqa yo ke Rojawan û resneno qismanê zereyê welatî, herêmanê Eserîya û xenasîr de qefilna. Rayîrê Dêr Hafîr- Halepî yo ke sey alternatîfî yeno şuxulnayene o zî verî amebi qefilnayene. Rîyê qefilnayîşê rayîrî ra dekewtişê Tebqa de bi seyan wesayîtî rayîr de mendî. Ramitoxan vat wesayîtan de tewr zaf nêweşî û wendekarî mexdur benê û waşt wa rayîr bêro akerdene