Rayber Apoyî bi heyetê DEM Partî yê Îmraliyî cinîyan rê ê ke bi şîarê ''Ma bi hêvîye ver bi azadîye şinê'' ver bi Anqara rayraşîyayîş kenê rê mesajêk şawit.

Mesajê Rayber apoyî wina yo:

"Ez pê bawer a ke rayraşîyayîşo ke cinîyan ê TJA bi şîarê 'Ma bi hêvîye ver bi azadîye şinê' da destpêkerdene, muzarekereyanê demokratîkan rê do pozîtîf tesîr bikero.

Ez çerçeveya demokrasîyê muzakereyî  de qisey kena, têgêrena. Demokrasîyo muzakereyî çareserîya aktuel a ke medenîyetî badê şerê 300 serran û rişnayîşê gonî aver berd.

Muzakre pêro tekîlîyan de hewce kena û ganî esas bêro girewtene. Tekîlîya cinî-camêrdan de ganî no metod bêro esasgirewtene. Tekîlîya tradîsyonele de camêrd hukumdar o, cinî zî binê fermna û îtaatî de ya. Na fermandarîye nîna qebulkerdene. Cinîyî seba ke nê qebul nêkenê ver bi azadîye rayra şinê.

Ez cinîyan rê pêşnîyaz kena ke wa problemanê xo yê bi dewlete, komel, keye û camerdan bi muzakerayan çareser bikerê. Ganî çew yewbînan rê bingeyê ziwanê otorîter û fermandarî de nizdî mebo. Ziwanêko seyîyewaz do ma pêrune rê bido qezenckerdene.

Na çarçewe de ez pêro hemrayan ê cinîyan ê ke rayraşîyayîşê 'Ma bi hêvîye ver bi azadîye şinê'  de yê bi hurmet selam kena, semedê kede û girêdayîya azadîye înan pîroz  kena.

Abdullah OCALAN

3ê teşrîna verêne 2025"