Qewetê Hukmatê Demkî yê Sûrîye vîzêrî rayîrê ke şinê taxanê Şêxmeqsûd û Eşrefîye yê Helepî padayî, dima her di taxan de çalakîyê protestoyê hukmatî ameyî kerdene. Qewetê hukmatê demkî vera çalakgeran hêrîş kerd, bi tankan û wasitayanê giranan waşt ke bikewê mîyanê taxan. Qewetanê Emnîyetê Zereyî, seba pawitişê şarî, vera hêrîşan cewabêko meşrû da.

Pêkewtişan heta saetanê şewe dewam kerd. Qewetanê Hukmatê Demkî mecbur mend xo peyser bianco.

Goreyê melumatanê verênan pêkewtişan de merde û birîndarî est ê.

Her di taxan de ke bêvengîye est a, dormeyê înan de qewetê Hukmatê Demkî yê Sûrîye ca danê xo. 

Ame dîyarkerdene ke Qewetê Hukmatê Demkî yê Sûrîye seba hêrîşêko newe xo amade kenê.