Merkezê Çapemenîye yê Qewetê Emnîyetê Zereyî yê Vakur û Rojhelatê Sûrîye beyan kerd ke bi hemkarîya Qewetê Antî-Terorî rojhelatê Dêrazorî de operasyonêk kerd. 9 endamê çeteyan ameyî girewtene, çek û cebirxaneyê înan kewt destê qewetan.

Teferruatê operasyonî

Operasyon 1ê teşrîna verêne siba rew dormeyê rojhelatê Dêrazorî de bi profesyonelî ame kerdene. Hedef o bî k cayê nimitişê terorîstan ke waştêne emnîyet û îstîqrarê mintiqa bixerepnê, îmha bikerê.

Çîyê destkewtî:

• Mayînêka vera-tankan

• Aletê kiştiş û sabotajî

• Çekêka namlûderge

• 2 tifingî û 4 şarjorê cebirxaneyî

• 4 cîhazê têkilîye yê seba kordînasyonê operasyonan

Qomandarîya Pêroyî ya Qewetê Emnîyetê Zereyî vat: "Ma soz danê şarê xo ke têkoşînê xo yê vera-terorî heta hucreyê peyênî zî bi qerardarî dewam kenê. Emnîyetê nê erdan û rûmetê şarî xeta ma ya sûr a. Her kesê ke wazeno înan bihermno, bi qewetêko munasiban ê edalet û heqê ciwîyayîşê ma yê emnîyet û haştîye de do cewabê xo bigîro."