Rayraşîyayîşo ke Têgêrayîşê Cinîyan ê Azadan (TJA) bi şîarê ''Ma bi hêvîye ver bi azadîye şinê'' Amedî ra ver bi Anqara da destpêkerdene, roja çarine de vizêr resa Adana. Bi seyan kesan bi vilikan û meşaleyan cinîyî pêşwazî kerdî. Rayraşîyayîş bi waştişê azadîya Rayber Apoyî açarîya têhetameyîşê qirseyî.

Rayraşîyayîş de sloganê sey “Bijî Serok Apo”, “Jin jiyan azadî” û “Şerî rê nê, haştîye cade nika'' ameyî vatene û azadîya Rayber Apoyî û haştîya mendîye ameyî waştene.

Hemşaredara Bajarê Pîlî yê Mêrdînî Devrîme Demîr ard ziwan ke ganî semedê haştîye gamê samîmîyî bêrê eştene. Wekîla DEM Partî Edalet Kaya zî vat rayraşîyayîşê cigêrayîşê heqîqet û azadîye yo.

Rayraşîyayîşo ke açarîya têhetameyîşê şarî bi govendan û sloganan qedîya.