Sîyasetmedar Ahmet Yildirimî ke derheqê proses erjnayîşî kerdî, vist vîrî ke Rayber Apo 30 serran ra zafêr o ke peyê cigêrayîşê haştîye de yo û nê vatî:

''Ganî Tirkîya zî sey Ewropa badê şerî kerdişanê xo de bêro têrî û haştîye înşa bikero. Ganî ma nê şansî bişuxulnê. Komîsyonê çareserîye yê meclîsî wa têna tay hetan goştarî mekero, xebata dahîna hîra rayra bêro. Ganî proses dahîna hîra û edîl bêro rayraberdene. Heta ke bedilnayîşê qanûnî û qanûnê bingeyî nêrê kerdene prosesê haştîye nêeşkeno aver şiro. Seba ke proses bêro averberdene ganî komîsyon Birêz Ocalanî miheqeq goştarî bikero. Birêz Ocalan yew aktoro ke rêxistina xo fes kerd û cesaretê çekronayîşî mojna. Heta ke pêşnîyazê nê aktorî nêrê girewtene proses aver nêşino.Ya komîsyon şino Îmrali, ya Birêz Ocalan yeno Anqara û yeno goştarîkerdene.

Seba ke meseleya kurdan nîna çareserkerdene na rewşe tesîrê ekonîmî zî kena. Dewrê 2012-2016î de xeyrê prosesê çareserîye ekonomî aver şi û dima ra bi warê pêkewtişî rewşa ekonomî zî xirabe bîye. Goreyê wextê 2013-2015î prosesê haştîye rê paştdayîşo komelkî zehîf o. Têna bi rexnekerdişê îqtîdarî nêbeno, ganî her kes semedê paştdayîşê prosesî gaman bierzo.''