Îdareyê Xoserîya Demokratîke yê Rojawanî  derheqê pêkewtişanê ke şerîdê qeraxî û Sûveyda de zêdîyayî  bi eşkerayîyêke qesawetê xo ard ziwan û hîşyar kerd  sîvîl û protestowanî yenê hedefgirewtene ke no welatî anceno mîyanê pelê şîdetêkê neweyî.

Eşkerayîye de ame vatene ke şaro ke heqê xo yê meşrûyî wazeno raştê hêrişî yeno û bi nameyê ''Artêşa Eşîran'' û ''Hêzanê Eşîran'' de komê çekdarî yenê şuxlnayene, no sûco sîstematîko û bi nê yeno waştene ke haştîya zereyî bêro xeripnayene, şarê Sûrîye biverdîyê yewbînan.

Îdareyê Xoserî eşkerayîya xo de ard ziwan ke ê pêro herêmanê Sûrîye de paştî danê heqanê meşrûyan ê şarî û vat çîyê ke nika qewimîyenê welatî ancenê mîyanê kaosî ke no têna bi dîyalogî eşkeno bêro çareserkerdene.

Îdareyê Xoserî veng da Hukmatê Demkî wa îradeyê şaran rê hurmet bikero û şîdetê vera sîvîlan vindarno û hîşyar kerd ke pêkewtişê Humus, qerex û Suveyda zirar danê Sûrîya. Îdareyê Xoserî veng da Hukmatê Demkî ke wa îradeyê şaran rê hurmet bikero û vatişê nefretî ke zirar dano yewîya şaran, caverdo.