KURDISTAN

Xeberê peyênî

• HPGyî şehîdê Zagrosî yad kerdî  

  HPGyî nasnameyê 5 gerîlayanê ke par Zagros de şehîd bîyî eşkera kerdî û keyeyanê ci û şarê Kurdîstanî rê serweşîye waşte.
• Korona: Mêrdîn de 6 kesî merdî, 4 dewî binê karantîna de yê 

  Mêrdîn de rewşa nêweşîya vîrusê Korona bena giranêr. Şaristan de kesêko bîn zî vîrusî ra merd û 4 dewî gêrîyayî binê karantîna.
• Amed de tehlukeyê vîrusê Korona zêdîyeno 

  Amed de hûmara qurbanan û nêweşanê vîrusê Korona zêdîyena. Hetê bînî ra ewro ra tepîya do dekewtiş û vejîyayîşê qezaya Sûrî seba wesayîtan bêrê girewtene.
• Mexdûrê erdlerzî na rey zî  VEDAŞî ra derbe werde 

  Dejê mexdûranê erdlerzê Elbakî yo ke tede 10 kesî merdî, hema zî dewam keno. Nê wextê vîrusî de VEDAŞî konteyniranê mexdûranê erdlerzî ser o pemitoxê ceyranî ca kerdî.
• Pîrikê di domananê ke Çinar de merdbî krîzê qelbî ra merd 

  Çinarê Amedî de banê keyeyê Demirbagî ke 10 kesî tede ciwîyayêne rijîyabi û 2 domanê ke binê rijîyayîşî mendî cuya xo vînî kerdbi. Pîrikê nê domanan zî ewro krîzê qelbî ra cuya xo vînî kerde.
• YJA-Starî ra Heftanîn de çalakîye 

  Gerîlayanê YJA-Starî herêma Heftanînî de vera artêşa dewleta tirke ya îşxalkere çalakîyêke kerde.
• Koyan de bêmergkerdişê hêlan 

  Ganî merdimî qala gerîlayanê koyanê Kurdîstanî bikerê û înan tarîx ser o neqş bikerê ke nê gerîlayî hêlan kenê bêmerg.
• DAÎŞî hêrişê Kifrî kerd: 2 pêşmergeyan dinyaya xo bedilnaye 

  Qezaya Kifrî ya herêma Germîyanî ya Başûrê Kurdîstanî de hêrişê cerganê DAÎŞî de 2 pêşmergeyan dinyaya xo bedilnaye.
• Pasûr de teqayîşêk de 5 kesan dinyaya xo bedilnaye 

  Nêzdîyê taxa Şawişa ya qezaya Pasûrî ya Amedî de teqayîşêk de 5 kesan dinyaya xo bedilnaye.
• 20 şaristanê kurdan binê karantîna de yê 

  Çar şaristananê pîlan ê Vakurê Kurdîstanî de dewketiş û vejîyayîşê teberî ame vindertene. 7ê nîsane ra nata 16 şaristanan de karantînaya herêmîye yena caardene.
• Çewlîg de yew taxe gerîyaye binê karantîna  

  Taxa  Doşluce ya qezaya Azarpêrtî ya Çewlîgî rîyê janê vîrusê Korona ra gerîyaye binê karantîna.
• Xakurkê û Avaşîn de hêrişê hawayî 

  HPGyî da zanayene ke dewleta tirke ya îşxalkere herêmanê Xakurkê û Avaşînî ser o bombayî varnayî.
• Tepişteyê ke erşawîyayî Amed ameyî derbkerdene 

  Dîya zanayene ke tepişteyê ke serewedaritişê Zîndanê Êlihî ra dima erşawîyayî Zîndanê Amedî ameyî derbkerdene.
• Agirî de kesêkî rîyê deynan ra xo kişt 

  Taxa Fatîhî ya qezaya Dîyadinî ya Agirî de hemwelatîyêkê bi nameyê Atîlla Yaşar rîyê deynanê xo ra xo kişt.
• Dêrsim de di nêweşê vîrusê Korona bîyî weş 

  Dêrsim de Metîn Demîrcî (58) û tornê ci A. Demîrcî (9) yê ke nêweşîya vîrusê Korona ra tedawî dîyêne weş bîyî.
• Sîyasetmedarê kurdan bi vîdeoyan veng danê 

  Sîyasetmedaranê kurdan vist vîrî ke qanûnê caardişê ceza ganî seba pêro tepişteyan derbazdar bibo. Sîyasetmedarê kurdî ewro saete 15:00 de medyaya komelkîye ser o dest pê kampanyaya vilakerdişê bivîdeoyî kenê.
• 3 taxanê Kerboranî de qedexeyê vejîyayîşê teberî 

  3 taxanê Kerboranî de çarçewa operayonêkê leşkerî de qedexeyê vejîyayîşê teberî ame îlankerdene.
• Colemêrg: Yewina leşkerîye de vîrusê Korona ame tesbîtkerdene 

  Yeno vatene mîyanê yewîne ya 20 leşkeran a Colemêrgî de 11 leşkerî pê vîrusê Korona kewtî. Leşkerê ke pê vîrusê Korona kewtî kamp û otêlan de ameyî cadayene ke na rewşe raştê nêrazîbîyayîşan ameye.
• Endama HDPyî ya meclîsê Milazgirî wezîfeyî ra ameye girewtene 

  Wezîrîya Karanê Zereyî yê Tirkî 6 endamanê HDPyî yê meclîsê Şaredarîya Milazgirî ra Sema Tekîn wezîfeyî ra girewte.
• Dêrsim: Seba zîndanan wextê çalakîyan o 

  Endamê Komîteya Zîndana ê PKKyî Pîro Dêrsimî eşkera kerd ke cuya tepişteyan binê rîskî de ya û vat: ''Rewşêka îstîsnayîye esta, ganî refleks û xîretê ma zî îstîsnayî bê.''
• Qeyûmî ziwannas Zana Farqinî karî ra vet 

  Qeyûmo ke Şaredarîya Êlihî ra ame tayînkerdene ziwannas Zana Farqinî karî ra vet. Farqinîyî rewşe sey darbêka pîle ya vera huber, ziwan û kulturê kurdan ercnaye.
• Riha de 3 kesî vîrusê Korona ra merdî 

  Odaya Tabîban a Riha da zanayene ke şaristan de 3 kesî vîrusê Korona ra merdî û 20 nêweşê Korona estê.
• HPGyî Fermandar Têkoşer Gever yad kerd 

  HPGyî da zanayene ke endamê Konseya Leşkerî ya HPGyî Têkoşer Gever (Muslîh Îke) par hêrişêkê hewayî de şehîd bi. HPGyî vat: ''Embaz Têkoşerî sey embazanê ma yê rayberan tarîxê têkoşînê ma de cayê xo girewt.''
• Wan de 'bexş' bi zorî karkeran rê yeno ferzkerdene 

  Qeyûmo ke Şaredarîya Wanî rê ame tayînkerdene seba paştdayîşê kampanyaya Serekkomarê Tirkî Recep Tayyîp Erdoganî menga nîsane de 1.200 lîra maeşanê karkeranê şaredarîye ra birna.
• Sînorê Îranî de meyîto parçekerde ame dîyene 

  Sînorê Îranî yê qezaya Ebexî yê Wanî de meyîto parçekerde yê camêrdêkî ame dîyene.