Ame îdîakerdene ke Zîndanê Xarpêtî de testê vîrusê Korona yê tepişteyêkî/e pozîtîf vejîya. Goreyê îdîayanê keyeyê tepişteyî/e, tepişte/yî keyeyê xo rê telefon kerd û vat ke testê ci yê vîrusê Korona pozîtîf vejîya. Keyeyî îfade kerd ke îdareyê zîndanî zanayîş nêda înan û tedbîrê hewcedarî nêgirewtî.

Keyeyê tepişteyî/e yo ke Dêrsim de ciwîyeno waşt ke Wezaretê Edaletî eşkerayîyêke bikero û tedbîran zêdêr bikero. Keyeyî bale ante qanûnê înfazî ser û veng da ke cade tepişteyê sîyasîyî bêrê veradayene.