Bariş Karaca yo ke Zîndanê Wanî de tepişte yo pê rayîrê telefonî keyeyê xo reyde qisey kerd û qala binpaykerdişê heqanê merdiman kerd. Birayê Bariş Karacayî Ozgur Karacayî ard ziwan ke birayê ey vato ke 20 tepişteyan rê îşkence amekerdene ke înan hûmaritişê payanserî qebul nêkerd.

Ozgur Karacayî vat: ''Birayê mii vat 5ê nîsan de gardîyan û leşkeran bi hawayêkê keyfîyî eşt koxuşan ser û waşt ke tepişteyî payan ser vinderê ke înan bihûmarê. Birayê mi zî tede 20 tepişteyan no qebul nêkerd û ê eştî hucreyan. Ma her çarşeme telefon de qisey kerdêne. Wexto ke ma gêrayî zîndanî ma rê vat ke birayê mi nêwazeno qisey bikero. La wexto ke mi birayê xo de qisey kerd ma pê rewşe hesîyayî. Birayê mi vat ke janî ra dima koxuşî vurîyayî, koxişo ke o tede ca dîyaye de televîzyon çin o, mektubî nênê dayene. Kitabê înan zî gêrîyayî û tepîya nêdîyayî înan.

Ma nê kerdişî qebul nêkenê. Wextê janî de herinda ke tepişteyî bêrê veradayene heqê înan zêdêr yenê binpaykerdene.  Ma venga rayaumûmîye danê ke pê berpirsîyarîye têbigêra.''