Şaredarîya Wanî de bi seyan karkerî pê maeşanê tayan xebitîyenê. Karkerê ke nêeşkenê debarê xo bikerê, na reye zî kampanyaya 'hetkarîye' ya Erdoganî ra derbêke werde.

Selahîyetdaranê şaredarîye bi hawayêkê fekkî karkeranê şaredarîye rê pare kerd ke maeşê înan do bêro kêmkerdene. Goreyê naye maeşanê karkeran ra 1.200 lîra do bêro girewtene û no kêmkerdiş tewr tay 4 mengan do dewam bikero.

Karkerêkê şaredarîye yo ke nêwaşt nameyê xo eşkera bikero ANFyî rê vat: ''Amîrê yewina şaredarîye ma rê vat kêmkerdişê maeşan do 4 mengan dewam bikero. Binê nameyê bexşî de dest nanê maeşanê ma ser. Karkerî zî nê pereyî zerrî ra nêdanê.''