Berpirsîyarê Buroyê Dîplomasî yê PYDyî Salîh Muslîmî derheqê têkoşînê vera vîrusê Korona de mesajêk erşawit. Muslîmî da zanayene ke tehluke têna seba şarê kurdî nê, seba pêro dinya esto.

Muslîmî vat: ''Ma çend xo rêxistin bikerê, çend pîya bibê, ma çend hem seba şarê xo hem zî seba şarê herême tedbîran bigêrê bêguman ma do serkewte bibê.''

Muslîmî vist vîrî ke Rojawan de her çiqas îmkanê înan tay zî bibê, çi destê înan ra bêro seba pawitişê şarî xîret kenê ke bikerê.

Salîh Muslîmî vat: ''Heta nika ma vera dormegirewtişê rejîmî û faşîzmê dewleta tirke ra şarê xo pawitêne. Nika ra tepîya zî ma do seba pawitişê şarê xo her çi bikerê. Ganî ma goreyê talîmatanê îdareyî têbigêrê û çend ke ma bieşkê keyeyî ra mevejîyê. Her çiqas îmkanê ma tay bibê zî eke ma tedbîran û biranê îdareyî bîyarê ca ma do ser bikewê.

Şerê vera DAÎŞî de pêro dinya ra merdiman paştî dayêne ma Merdimê ke pêro dinya de Korona ra merdî dejê înan ê pêroyînan seba ma yew ê. Dejê Rojawanî nika dejê Ewropa reyde bi yew. Senî ke ma pîya DAÎŞ çin kerd ma do pîya na nêweşîye zî çin bikerê.' Çîyê ke naye ra dima do bibê, do weşêr bibê. Ganî hukmat û dewletî herinda şerî de zafêr girîngîye bidê weşîya merdiman. Ez bawer a ke serkewtiş do ê ma bibo.''