Qeyûmo ke hetê rejîmê AKP-MHPyî ra Şaredarîya Wanî rê ame tayînkerdene xeylêk karkerî karî ra vetî. Înan ra 250 karkerî mehkeme de ser kewtî û pabeyê agêrayîşê karî bîyî. 

Karkerî 7ê adare de Şaredarîya Wanî de beşdarê pêvînayîşê karî bîyî û her çiqas îmtîhan de serkewte zî bîyî sey neserkewte ameyî hesibnayene.

Naye ra karkeran qeyûm Mehmet Emîn Bîlmezî reyde pêvînayîşêk kerd. Karkeran qeyûmê talankerî rê vat: ''Ma mehkeme de ser kewtî çira ma nêeşkenê abigêrê karê xo. Ma de 5 quriş pere çin o, ma nêeşkenê debarê xo bikerê, ma xo bikişê se bikerê?'' Bîlmezê talankerî zî înan rê vat: ''Şorê se kenê bikerê, hewceyê mi pê personelan çin o.''

Ame parekerdene ke Bîlmezî çarçewa lîsteya Rêxistina AKPyî ya Wanî de 45 kesê terefgîrê AKPyî tewrê karî kerdî.