Cografyaya Kurdîstanî de heta nika zaf cenazayê domananê kurdan rastê hêrişanê cîyayan ameyî. Tewr peynî de Gerîlayê HPGyî Egîd Îpek serra 2017î de Dêrsim de pêkewtişêk de şehîd bibi. Cenazaya ci 3 serran ra dima pê posta mîyanê kolîyêkî de keyeyê ci rê erşawîyaye.Serekê ÎHDyî yê Wanî Murat Meletî vera nê kerdişî nêrazîbîyayîşê xo mojna û ard ziwan ke no kerdiş ziwanê merdimîye de çin o û îqtîdarê faşîstî rûmetê merdimîye binpay kerd.

Meletî vat: ''No kerdişêko faşîst şermê merdimîye yo. Cografyaya kurdan de heta nika zaf crenazayê domananê Kurdîstanî rastê hêrişanê tewir bi tewiran ameyî. Cenazayî erzîyayî kuçeyan, erd dî kaş bîyî, koyan ra erzîyayî erdî. Tewr peyên cenazaya Egîd Îpekî pê kargo erşawîyaye. No kerdiş dînêk, wijdanêk , erjanê komelan de çin o.  Pêro dinya nika vera vîrusî têkoşîn keno. La faşîzn nê rojan de peyê hesabanê bînan de yo. Dinya de û rîyê erdî de kerdişêko winasên nêdîya. Gelo nêzdîbîyayîşêko bi nê hawayî kamyew dîn, wijdan û exlaq de esto? Ez venga kesanê demokratan, pawitoxanê heqanê merdiman û azadîwaştoxan danê ke vera kerdişanê merdimîye bibê yew û vera faşîzmî haştîyêka rûmetêne awan bikerê. Têna a eşkena vera nê faşîzmî bigêra.''