Hemserekîya Konseya Rayberdişî ya KCKyî bi eşkerayîyêka nuştekîye bale ante rewşa Rayberê Şarê Kurdî Abdullah Ocalanî ser û nê pare kerdî:

''Vîrusê Korona yo ke heme dinya ser o tesîr keno Tirkîya û Kurdîstan de demo kilm de vila bi.  Ameyo tesbîtkerdene ke no vîrus bitaybetî cayanê serd û nedayênan  û bajaranê girdan de hîna zaf vila beno. Reyna cayanê sixletîyan de hîna lez vila beno.  Zîndanî rîyê nê vîrusî ra binê rîskê girdî de yê. Coka dezgehê heqanê merdimanê ke pêroyîya dinya xebate rayra benê wazenê ke sere de tepişteyê sîyasîyî  wa heme tepişteyî serbest bêrê veadayene. Xora yeno waştene ke wa Kurdîstan û Tirkîya de zî tepişteyî bêrê veradayene.  

Tirkîya de çarçeweya tedbîranê vera Korona de zîyaretê keyeyan ê zîndanan bîyî qedexe û heqê telefonî bîyo dilab. La Rayber Apo nê eşkeno nê heqê telefonî bişuxulno. Derheqê weşîye û asayîşê Rayberê Şarê Kurdî de zanayîş nîno girewtene.  Nê wextê Korona de xeber girewtiş heqo tewr bingeyên o. Xora yeno zanayene ke Îmrali serd û nedayên o. Coka derheqê weşîya Rayberê Şarê Kurdî de zanayîş girewtiş zaf girîng o. Şarê ma wazeno ke xeberêke bîgêro.

Qanûnê înfazî yo ka îqtîdar wazeno vejo pê ci yeno waştene ke tepişteyê sîyasîyî ke zafê înan kurdê şertanê janê Korona de bimirê. Xora dişmeno tewr gird ê nê îqtîdarî Rayberê Şarê Kurdî yo ke şarê Kurdî kerd hîşyar û sereberz. Nizdîbîyayîşê yew rayberî , nizdîbîyayîşê ê şarî yo. Şarê ma naye zaf hol zano û wayîrê Rayberê xo vejîyeno. Sere de cinî û ciwanî ganî şarê ma nê demê Korona de semedê Rayber Apoyî hîna zaf hîsgêr bo her şertan de têkoşînê xo bido domnayene. Reyna şarê Tirkîya û Rojhelatê Mîyanênî zî ganî têkoşînî xurt bikerê.

Rayber Apoyî vatbi kapîtalîzm û tewirê ci yê berardişî do felekatan bîyaro şarî ser  û vera modernîteya kapîtalîste modernîteya demokratîke ya ke azadîya cinîyan û ekolojî esas gena pêşkeş kerdbî. No reyberê o ke ramojneno ke merdimîye senî eşkena nê felaketan ra xo bixelisno,  wayîrvejîyayîşê ci berpirsîyarîya heme merdimîye ya. Nê rojan de projeyanê Rayber Apoyî rê hîna zaf hewce esto. Coka ganî hêzê demokrasîyî yê Tirkîya û Rojhelatê Mîyanênî pîya bi rayapêroyîya demokratîke ya dinya semedê weşîye û asayîşê Rayber Apoyî têkoşîn bikerê û cade ey ra xeberêke bêro girewtene.''