Fermandarê HPGyî Murat Karayîlanî Endamê Komîteya Merkeze ya PKKyî û Konseya Fermandare HPGyî Şivan Cîlo Gever ke 16ê hezîrane 2023î de Avaşîn de şehîd bî yad kerd. Karayîlanî vat: "Qehremananê bênameyan ra yew bî"
Endamê Komîteya Merkeze ya PKKyî û Konseya Fermandarîya HPGyî Şivan Cîlo Gever (Yunus Demîr) serra 2023î de Herêmanê Pawitişî yê Medya de bi hêrîşê hewayî yê dewleta tirke şehîd bî. Fermandarê HPGyî Murat Karayîlanî vat Şivan Gever serranê dergan herêmanê hîrayan ê Kurdîstanî de wezîfeyî girewtî û bi şexsîyetê xo yê mutewazî zerrîya şarî de ca girewt.
Karayîlanî da zanayene ke Şivan Gever bitaybetî 2014î de xoverdayîşê Kobanê yê vera DAÎŞî de rolêko muhîm girewt. Gever ke koordînasyona pêroyî ya şerê Kobane de ca girewt, operasyonanê Minbicî û Tebqayî de zî aktîf ca girewt labelê qet nêardêne ziwan. Karayîlanî vat: "Fermandaranê bênameyan ê serkewtişî bî labelê hertim ey xo sey leşkerêk dî."
Karayîlanî ke dîyar kerd ke Geverî 30 serran ra zafêr û her wezîfe girewto, îfade kerd ke azadkerdişê Şingalî de zî berpirsîyarîya krîtîke ey de bîye. Şivan Geverî xoverdayîşê Zapî ra heta herêma Dêrsim û Erzîromî zaf herêman de rolêko pêşeng girewt û bi pratîkê şerî û taktîkî vîrê têgêrayîşî de cayêko bêemsal girewt.
Karayîlanî venga şarê Geverî da û vat ke fedayîyê winayênan rê ganî wayîrîye bêro kerdene. "Şivan Gever tena şervan nêbî, hem zî domanêkê şarî bî ke xeta Rayber Apoyî dima şîyêne. Cuya azade ke ey xeyal kerd, ma do bidê ciwîyayene. Resnayîşê xeyalanê şehîdanê ma amancê ma yo."
