Merkezê Îrtîbatî û Çapemenîye yê HPGyî bi eşkerayîyêke da zanayene ke 20ê tebaxa 2019î de hêrişêkê hewatî de Têkoşer Gever (Muslîh Îke) şehîd bîyo. 

Eşkerayîya HPGyî wina ya:

''Dewleta tirke ya îşxalkere ya ke serra 2019î de hêrişê xo yê vera têgêrayîş û partîya ma zêdînayî û pê sozanê çinkerdişê PKKyî xîret kena ke payan ser o bimana, vera xoverdayîşê gerîlayanê Kurdîstanî çin bîye.

Sayê xoverdayîşê gerîlayanê Kurdîstanî operasyonê îşxalî yê vera Vakur û Başûrê Kurdîstanî ameyî çinkerdene. Artêşa tirke ya îşxalkere her rey darbêka girane werde. Bêguman mîmarê nê xoverdayîşê tarîxîyî yê vera dewleta tirke ya îşxalkere şehîdê ma yê çêrî yê. Înan ra yew zî embazê ma Têkoşer Gever (Muslîh Îke) yo ke 20ê tabaxa 2019î de hêrişê hewayî yê vera Herêmanê Pawitişî yê Medya de şehîd bi. Zanayîşê derheqê embazê ma yê şehîdî de wina yê:

Nameyê Qodî: Têkoşer Gever Name û Peyname: Muslih Îke Cayê Bîyayîşî: Colemêrg Maye-Pî: Mahbûbe – Ahmet Tarîx û Cayê Şehadetî: 20ê Tebaxa 2019î / Herêmê Pawitişî yê Medya

Embaz Têkoşer serra 1993î de tewrê Têkoşînê Azadîye yê Kurdîstanî bîyo û wextêkê dergî waranê şerî de têkoşîn kerd. Embaz Têkoşero ke pê bawerîyêka pîle pabesteyê şarî, partîya ma û Rayber Apoyî bi, tewr peyên zî pêro wezîfeyê Konseya Leşkerî ya HPGyî bi hawayêkê serkewtişî ardî ca.

Embaz Têkoşero ke fermandarêko jîhat û taktîsyen bi, pê çalakîyanê vera xîretanê dişmenan tesîrêko pîl kerd. Embaz Têkoşer her war de bi milîtanêko perwer ê Rayber apoyî, mîyanê şert û mercanê giranan de zî xeta Rayber Apoyî ra fek vera nêda. Embaz Têkoşerî sey embazanê ma yê rayberan tarîxê têkoşînê ma de cayê xo girewt. Embaz Têkoşer pê tewirê xo yê bi coş û moralî şerwanan reyde yew bi yew eleqeder bîyêne û tecrubeyê xo dayêne înan.

Sere de keyeyê ci yê ercîyayeyî rê ma pêro şarê xo yê welatperwerî rê serweşîye wazenê û sozê xo dibare kenê ke ma do şexsê pêro embazanê xo yê şehîdan de têkoşînê xo yê azadîye biresnê serfîrazîye.''