Merkezê Îrtîbatî û Çapemenîye yê HPGyî da zanayene ke par menga teşrîna peyêne de Agirî de di gerîlayê YJA Starî  şehîd bîyî nê pare kerdî:

''9ê teşrîna peyêna 2019î de herêma Kirê Hallacî ya qezaya Bazîdî ya Agirî de artêşa tirke operasyonêk da destpêkerdene. Hêrişê hewayî ra dima di embazanê ma dir tekîlîya ma qerfîyaye. Nê di embazê ma operasyon de şehîd bîyî.

Nasnameyê embazanê ma yê ke şehîd bîyî wina yê:

Nameyê Qodî: Bahare Qendîl Name û Peyname: Hamîde Alî Cayê Bîyayîşî: Kobanê Maye-Pî: Yazê-Abdûrrahman Tarîx û Cayê Şehadetî: 9ê Teşrîna Peyêne 2019 / Agirî

Nameyê Qodî: Têkoşîne Şoreş Name û Peyname: Narîne Akçay Cayê Bîyayîşî: Îstanbul Maye-Pî: Nûrcane-Abdulkerîm Tarîx û Cayê Şehadetî: 9ê Teşrîna Peyêne 2019 / Agirî

Hemrayê ma Tekoşîne û Bahare vera dewleta îşxalkere û sîtemê ci yê kapitalîstî vera xo da koyanê azadan ke vera polîtîkaya asîmîlasyon û helnayîşî xoverdayîşî gird bikerê. Her di embazanê ma mîyanê têkoşînê azadîye xo aver berd û semedê azadîya şar û welatê xo xebatê ercîyayeyî rayra berdî. Hemrayê ma Tekoşîne û Bahare yê ke bi îdeolojîya cinîya azade ya Rayber Apo yî xo perwerde kerd heme waren de ke mendî rolê xo yê rayberîye bi serekwtişî ard ca û heta hela peyêne bi qeyhremankî têkoşîn kerd û şehîd bîyî.

Sere de keyeyê şehîdanê ma yê erjayeyan  ma heme şarê Kurdîstanî rê seweşîye wazenê û soz danê ke do têkoşînê înan biresnê sewkewtişî.''