PKKyî seserra peyêne de semedê şarê kurdî destkewtişê tarîxî afirnayî û wextanê tewr zoran ê semedê şarê kurdî de berpirsîyarîya pîle girewte xo ser. Coka serrgêra ronayîşê PKKyî semedê şarî û bitaybetî zî semedê gerîlayanê azadîye yê Kurdîstanî zaf muhîm a. No proses serê na xete de ame înşakerdene û nika Rayberîye bi bedelê keda xo rayîrê xo rê dewam keno.

Gerîlayanê HPG û YJA Starî Denize Qehreman, Rojhilat Qehreman, Berfîne Êrîş û Agir Amanosî derheqê serrgêra ronayîşê PKKyî de qisey kerd.

Denîze Qehreman ard ziwan ke PKK bi bedelanê pîlan ame nê rojan û vat: ''Rayberîye şaro  ke mergî rê rî bi rî bi newera ganî kerd. Bitaybetî ma sey cinîyan nasnameyê xo nê têgêrayîşî de dî. 27ê Teşrîna Peyêne emser ma rê cîya yo; çunke ma Rayberîye dî û vengdayîşê ci yê tarîxî rê bîyî şahîd. Nê erjê ke 48 serran de ameyî afirnayene ma do dahîna zaf wayîrê ci bivejê.''

Rojhilat Qehremanî zî ard ziwan ke 27ê Teşrîna Peyêne semedê înan rojêka bimbarek a û vat: ''Bi fîkr û felsefeya Rayber Apoyî têgêrayîş bi xurt. Badê 27 serran ma reya verêne Rayberîye dî. Semedê ma çîyo esasî caardişê azadîya fîzîke ya Rayberîye yo.''

Berfîne Êrîş zî îfade kerd ke bi ronayîşê PKKyî têkoşînê bêhemparî dest pêkerd û vat: ''Xeta embaze Sara semedê ma esas a. Gamê ke badê vengdayîşê Rayber Apoyî ameyî eştene zaf muhîm ê. Ez wazenê bibê parçeyêkê nê têkoşînî.''

Agir Amanosî vat: ''Ma wayîrê îradeyî ke nê koyan de têkoşîn rayra berê. Dîmenê Rayber Apoyî ma rê bîyî moralo pîl. Ma do semedê azadîya fîzîkîye ya Rayberîye têkoşîn bikerê.''