Gerîlayanê Azadîye koyanê Kurdîstanî de serrgêra ronayîşê têgêrayîşê azadîye pîroz kerd. Gerîlayan Herêmanê Pawitişî yê Medya de Roşanê Xoverdayîşê Neteweyî govende ra heta şîîre û deyîran bi aktîvîteyanê cîya cîyayan bi coşî pîroz kerd. Gerîlayan kayo tradîsyonel  ''Brê'' zî kay kerd.

Gerîlayê ke tewrê şayîye bîyî Rayber Apo û pêro şehîdê şorişî ardî vîrî. Gerîlayan ra Bêrîtane Firat ard ziwan ke ê xeyrê Rayber Apo û şehîdan ameye na merhale û bitaybetî şehîdê tunelan yad kerdî. Dewamê qiseykerdişê xo de vat bi mîrasê têkoşînî têna şarê kurdî new, do pêro şarê herême qezenc bikerê. Bêrîtane Firat vat ê têkoşînî bi hedefê cuya azade rayra benê.

Gerîlaya YJA Starî Bêrîtane Botan zî vat  ê bi nê coş û moralî wazenê xeta azadîya bigîrê binê temînatî û şexsê Zîlane û Asya de biresê figurê cinîya azade.

Gerîlaya YJA Starî Hêlîne Çîya zî hîsê xo wina ardî ziwan: ''Ewro semedê ma rojêka taybet û bimbarek a. Na roje semedê şarê ma zî bimbarek a. Coka na roje pêro şarê ma rê  pîroz bo.''

Gerîlayê HPGyî Mîlîtan Qoserî zî ard ziwan ke xeyrê têkoşîn û fedakarîya  Rayber Apo û şehîdan resayî ewroyî û vat PKKyî tesîrê pêro herême kerd. Mîlîtan Qoserî îfade kerd ke şarê kurdî bi ronayîşê nê têgêrayîşî newera bi ganî û vat no ganîbîyayîş zî xeyrê Rayber Apoyî û şehîdan mumkun bi.

Gerîlaya azadîye Berfîne Colemêrg zî Rayber Apo û pêro şehîdî ardî vîrî û vat: ''Seba ke PKKyî zaf erjî înşa kerdî ewro roja bimbarek a. Mîraso ke PKKyî bi bedilnayîşê xo verda ma pêro dostan rê pîroz kenê.''