Merkezê Îrtîbatî û Çapemenîye yê HPGyî derehqê çalakîyanê gerîlayan û hêrişê artêşa tirkî de eşkerayîyêke daye û nê pare kerdî:

''15ê nîsane de artêşa tirke ya îşxalkere herêma Ermûşî ya Xakurkê de dest pê oparsyonî kerd. Hêzanê ma vera leşkeranê ke vejîyaybî operasyon çalakîya sabotajî viraşte, 3 leşkerî ameyî kiştene. Operasyon eynî roje bênetîce peyser ancîya. Yewîya ma ya ke çalakîye viraşte weş û war resaye waranê baregehê xo.

14ê nîsane de teyarayanê şerî yê artêşa tirke dormeyê dewa Çemakê ya pabesteya herêma Gare bombardûman kerd. Nê hêrişan de vînîbîyayeyê ma çîn ê la bostananê şarê herême de ziraro madî ame meydan.''