Gerîlayê HPGyî Çekdar Amedî da zanayene ke hukmatê AKP-MHPyî pê îstîsmarkerdişê keyeyê ey wazeno înan bikerê parçeyêkê şerê taybetî û keyeyan ra waşt ke herinda ke verê bînaya HDPyî de nişenê ro wayîrê dewaya domananê xo bivejîyê.

Gerîla Çekdar Amedî ANFyî reyde qisey kerd û ard ziwan ke keyeyê ey zî mîyanê ê kesan de yo ke verê bînaya HDPyî ya Amedî de pê fermanê AKP-MHPyî, MÎTî û Asayîşê Tirkî nişenê ro.

Çekdar Amedî îfade kerd ke wazenê keyeyê ci îstîsmar bikerê û bi nê hawayî keyeyê ci bikerê parçeyêkê şerê taybetî yê vera Kurdîstanî. Çekdar Amedî vat: ''Tewiro ke keyeyê mi pê têgêrîyeno raşt nîyo, labelê ez zanena ke hetê AKPyî ra xapîya. Ganî keyeyê mi cade nê tewirî ra fek vera bido. Ez nêxapîyaya û bi nê hawayî nêvîyayî koyan ser. Qirkerdiş û qetlîamî yê ke dişmenî Kurdîstan de kenê semedê tewrbîyayîşê min ê.Ez pê îradeyê xo yê azadî û hîşmendîya xo ya kurdewarîye tewra gerîlayan bîya. Ma vera polîtîkayanê înkarî û çinkerdişî yê dewleta tirke koyan de yê. Ganî keyeyê ma pê ma sereberz bibê. Keyeyê ma bi taybetî dadîyê ma ganî vera ma de nê, hetê ma de bibê û na dewa yeqîb bikerê.

Îqtîdarê AKP-MHPyî xîret keno ke pê metodanê faşîstan şarê kurdî çin bikero. Bêguman ê dişmenê kurdan ê. Dadîyê ma mamostayê ma yê cuye yê. Ked û fedakarîya înan seba ma pîl a. Armanêkê ma kêmkerdişê dejanê dadîyan o. Ma pê têkoşînê do ameyox dîyarîya dadîyanê xo bikerê. Ez venga pêro keyeyan danê vera asîmîlasyonî têkoşîn bikerê, hetê asîmîlekeran de ca megêrê, terefê pawitoxanê azadîye de bibê. ''