Kampanyaya Keyeyê Wayeûbirayî ya ke hetê HDPyî ra seba paştdayîşê vera vîrusê Korona  dîyaye destpêkerdene, roje bi roje bena pîlêr. Şirnex û qezayanê ci de çarçewa kampanya de heta nika 1000 keyeyê hewcedarî ameyî tesbîtkerdene.

Hemserekê HDPyî yê Şirnexî Sebahattîn Denîzî derheqê kampanya de zanayîşî dayî. Denîzî îfade kerd ke ê pê komîteyan û endamanê şaredarîye xîret kenê ke keyeyanê hewcedaran tesbît bikerê û kesanê ke şaredarîye rê telefon kenê qeyt kenê. 

Denîzî vat: ''Ma kenê ke hîsgerîya komelkîye aver berê.  Zaf kesê xo resnenê ma û wazenê ke hetkarîye bikerê. 110 keyeyê ma keyeyê wayûbirayî yê xo reyde bîyî şinas. Ma wazenê ke ma paştî bidê zafêr keyeyan. Ma ganî berpirsîyaranê xo bîyarê ca. Cuye pê parekerdişî manadar bena. Raştîya cuya komelkîye parekerdiş o. Ma pê paştdayîşî heqê nê rojan ra do bêrê.''