KURDISTAN

Xeberê peyênî

• 2019 de do ‘modelê gerîlayê neweyî‘ bêro afernayene! 

  Fermandarîya Qerarqahê Merkezê Pawitişî ya Şarî mesajê serra neweyî de sozê afernayîşê gerîlayê serkewtişî û modelê gerîlayê neweyî da û vat ke 2019 de do şer hîna giran bo.
• Esnafê AVMyî: Ma do mecbûr bimanê kepenk bigîrê 

  Esnafê AVMyî yê ke zêdekerdişê demanan rê reaksîyon ramot vat eke wina şiro ê do mecbûr bimanê ke kepenk bigîrê.
• Ruhê 14ê Temmuze terzê serkewtişî yo 

  KCK: Faşîzmê AKP-MHPyî se keno wa bikero xoverdayîşo ke terz û ruhê ci 14ê Temmuze yo nêeşkeno asteng bikero û do nêeşko vernîya ci de vindero. Ruhê 14ê Temmuze terzê şorişê Kurdistanî yo; terzê şertanê zoran de serkewtiş o.
• 3 şaristanan de sereştişî: Xeylî kesî ameyî destbendkerdene 

  Çarçiwaya operasyonanê qirkerdişê sîyasî de Edene, Riha û Amed de erzîya serê keyeyan. Sereştişanê keyeyan de xeylî kesî ameyî destbendkerdene.
• HPG: Lêlîkan de 6 leşkerê Tirkî ameyî kiştene 

  Gerîlayanê HPG û YJA Starî Qilê Lêlîkanî yê pabesteyê Sîdekanî de da yewîya artêşa Tirkî ya îşxalkare ro, 6 leşkerî ameyî kiştene. Çalakîye de vîndîbîyayeyê gerîlayan çîn ê.
• Banê HDPyî yê Sûrî rê sereştişê polîsan 

  Bînşewe polîsan eşt banê HDPyî yê qezaya Sûrî ser.
• Gerîlayo Roboskîyij: Hîsê ma yê qesasî bi organîzasyonî beno pîl 

  Gerîla Cesûr Roboskîyo ke dimayê Qirkerdişê Roboskî tewrê sefanê PKKyî bi vat: "Ez seba bicaardişê xeyalanê embazanê xo yê domanîye tîya ya."
• KCK: Do hesabê Roboskî bêro persayene 

  Hemserekîya Konseya Rayberdişî ya KCKyî: Qirkerdişê Roboskî, meyîtê perçekerdeyî yê domanan û ciwanan do çirey nêrê vîrrakerdene, şarê ma û Têgêrayîşê ma yê Azadîye do bi mucadeleyê xo hesabê nê qirkerdişî biperso.
• HPG: Ma hemrayê xo Çetîn Serhatî bi hurmet yad kenî 

  Merkezê Çapemenî û Îrtîbatî yê HPGyî Musa Çetîner ( Çetîn Serhat) yo ke menga Temmuze de Dêrsim de şehîd kewt, bi hurmet yad kerd.
• Teyareyanê dewleta Tirkî dewî bombardûman kerdî 

  Teyareyanê şerî yê dewleta Tirkî dewê Lêtan, Deraw û Kewrtî bombardûman kerdî. Netîceyê bombardûman de rez û bexçeyanê şarî zirar dî.
• Çewlîg de vîrardişê Roboskî 

  Çewlîg de bi wesîleya serrgêra 7. ya Qirkerdişê Roboskî eşkerayîya çapemenîye ameye viraştene.
• Vîrardişê Roboskî: Kiştoxî do hesab bidê 

  Bi wesîleya serrgêra Qirkedişê Roboskî yo ke dewleta Tirkî 7 serrî cuwa ver viraşt, Roboskî de merasîmê vîrardişî ame viraştene. Qiseykerdişan de ame vatene ke kiştoxî do hesab bidê
• Roboskîyijî merdimanê xo yad kenî 

  Bi wesîleya serrgêra Qirkedişê Roboskî yo ke dewleta Tirkî 7 serrî cuwa ver viraşt, Roboskîyijî merasîmê vîrardişî virazenî.
• Encu: Edalet korkuçe de bi zî ma do ê bica bîyarê 

  Ferhat Encu yo ke bombardûmanê teyareyanê şerî yê dewleta Tirkî de bira û 33 merdimê xo vîndî kerdî, vat ke ê do cigêrayîşê edaletî bidomnê û edalet korkuçe de bi zî bica bîyarê.
• Kurdistan de rîyê vewre ra xeylî mektebî ameyî qefilnayene 

  Kurdistan de varayîşê vewre tesîrê xo ramot. Xeylî bajaran de bi seyan rayîrê dewan û dewekan girîyayî û xeylî mektebî ameyî qefilnayene.
• Karasu: Vera qirkerdişan ganî xoverdayîş xurt bo 

  Endamê Konseya Rayberdişî ya KCKyî Mustafa Karasuyî serrgêra 7. ya Qirkerdişê Roboskî de vat ke vera zîhnîyetê qetlîamkarî bê xoverdayîşî rayîrêko bîn çîn o.
• Teyareyanê şerî yê artêşa Tirkî hêrişê Avaşînî kerd 

  Teyareyanê şerî yê artêşa Tirkî herêma Avaşînî bombardûman kerde. Netîceyê hêrişî de vîndîbîyayeyê gerîlayan çîn ê.
• Otobusa Dêrsimî qelibyaye: 3 merdeyî 

  Otobusa raywanan a ke Dêrsim ra şîyêne Enqere qelibyaye. 3 kesan cuya xo vîndî kerde.
• Wan de hemverê HDPyî 350, ê tîryakî 44 operasyonî 

  Dewleta Tirkî Wan de emser 350 reyî eşt serê keyeyan, 1200 kesî destbend kerdî û 223 kesî zî tepiştî. Her çend ke tîryak zaf yeno şuxulnayene û rotene zî operasyonê ke hemverê tîryakî de virazîyayê tena 44 ê.
• Çewlîg de rîyê vewre ra rayîrê 58 dewan girîyayî 

  Çewlîg de rîyê varayîşê vewre û pûkî ra rayîrê bi desan dewan û dewekan ameyî girewtene.
• Licê de reyna qedexeyê tebervejîyayîşî ame îlankerdene 

  7 mehlayan û dewekan ê qezaya Licê de reyna qedexeyê tebervejîyayîşî ame îlankerdene.
• 26 herêmanê Çewlîgî de qedexe ame dergkerdene 

  Walîtîya Çewlîgî da zanayene ke qedexeyo ke 26 herêmanê Çewlîgî de yeno domnayene do heta 9ê Çile ya 2019î bêro dewamkerdene.
• Karasu: Qirkerdişê Mereşî provaya faşîzmê 12ê Êlule bi 

  Endamê Konseya Rayberdişî ya KCKyî Mustafa Karasuyî vat ke Qirkerdişê Mereşî provaya faşîzmê 12ê Êlule bi û bi hedefê tirkkerdişê rojawanê Firatî ame kerdene.
• Ciwanê HDPyî yê Dêrsimî: Ma do peyser game meerzê 

  Meclîsê Ciwanîye yê HDPyî yê Dêrsimî hemverê tepişîyayîşê 3 endamanê xo de reaksîyon ramot. Ame zanayene 16 endamê ke ameybî destbendkerdene prosesê destbendkerdişî de mexmela wendekarêka cinîye bizor serreyê ci ra ameya vetene.
• Idir de 3 kesî ameyî tepiştene 

  Idir de 9 kesê ke operasyonanê qirkerdişê sîyasîyî de ameybî destbendkerdene înan ra 3 kesî dimayê mehkeme ra ameyî tepiştene.