KURDISTAN

Xeberê peyênî

• Licê, Hezro û Karaz de qedexe ame îlankerdene 

  23 mehla û mezrayanê Licê, Karaz û Hezro de qedexeyê tebervejîyayîşî ame îlankerdene.
• Teyareyanê şerî hêrişê Gare, Heftanîn û Zapî kerd 

  Teyareyanê şerî yê artêşa Tirkî herêmê Gare, Heftanîn  û Zapî bombardûman kerdî.  HPGyî da zanayene ke netîceyê hêrişan de vîndîbîyayeyê înan çîn ê.
• Kurdistanî ca meverdêne bes o…. 

  Serdar Staro ke serra 1996î de Rayberê Şarê Kurdî Abdullah Ocalan dîyo vano ke gama ke Rayberîye mi ra xatir waştêne va ‘Kurdistanî ca meverdêne bes o‘. Starî vat ke hêzo esasî yê mucadeleyê mi no vateyo peyên ê Rayberîye yo.
• KCKyî ra derheqê pêvînayîşê Îmraliyî de eşkerayîya muhîme 

  KCK: Pêvînayîşê 12ê Çile eslê xo de seba ke hemleya ma ya “Ma tecrîdî bişiknê û faşîzmî birijnê” hetê îqtîdarê AKP-MHPyî ra bêro sabotekerdene teşebusêkê şerê psîkolojîkî yo. Xora roja Şemeyî bi lez û bez viraştişê ci zî nê eşkera ramojneno. 
• Teyareyanê şerî hêrişê Gare, Xakurke û Zapî kerd 

  Teyareyanê şerî yê artêşa Tirkî herêmê Gare, Xakurke û Zapî bombardûman kerdî.
• Grevê vêşanîye yê Yaxizî kewt roja 53. 

  Seba ke tecrîdo ke Rayberê Şarê Kurdî Abdullah Ocalanî ser yeno bicaardene, bêro wedartene û seba weşîye, ewlehîye û azadîya ey Nasir Yaxiz o ke 53 rojî yo bajarê Başûrê Kurdîstanî Hewlêr de kewto grevê vêşanîye hetê weşîye ra her ke şono beno xirab.
• Silêmanî de destbendkerdeyan dest bi grevê vêşanîye kerd 

  Kesê ke aktîvîteya vîrardişê qirkerdişê Parîsî de ameyî destbendkerdene, dest bi grevê vêşanîye kerd.
• Zîndanê Xarpêtî de çalakwanî kîşta çeteyan de yenî cakerdene 

  Serekê Komîsyonê Hepisxaneyî yê Baroya Amedî Av. Bûnyamîn Şekerî va; “Îdareyê Hepisxaneyê Xarpêtî hepisîyê ke girevê vêşanîye de yê, qismê hepisxaneyî yo ke DAÎŞ, El Nusra û Fetullahîyî tede manenê, uca de ca keno.”   
• Çewlîg de şar rîyê bêawîye ra vewre helêneno 

  Yenîmehlaya Çewlîgî ya  ke hewteyêko awa ci peysayîya, hemwelatijî herinda awe de vewre ke serê soba de helênenî aye  şuxulnenî.
• Vîrardişê qirkerdişê Parîsî de 50 destbendkerdişî 

  Asayîşê Silêmanî mudaxaleyê aktîvîteya  vîrardişê  hîrê cinîyan yê ke Parîs de ameyî qetilkerdene, kerde 50 kesî destbend kerdî.
• Dêrsim de 16 wendekaran rê tehqîqatê disîplînî 

  Dêrsim de bi sebebê organîzekerdişê aktîvîteya vîrardişî 16 wendakerê Unîversîteya Munzurî ameyîbî destbendkerdene û înan ra 3 tenî ameyîbî tewqîfkerdene. Derheqê nê wendekaran de na rey zî tehqîqatê disîplînî ame destpêkerdene.
• HPG: Ma şehîdanê xo yê Serhadî bi hurmet bi vîr anê 

  HPGyî nasnameyê 6 gerîlayanê Serhadî eşkera kerdî û vat ke ma şexsê nê embazanê xo de heme şehîdanê xo yê qehremanan bi hurmet bi vîr anê.
• HPGyî derheqê şehîdanê ke nêameyî eşkerakerdene de zanayîş da 

  HPGyî şehîdê ke serra 2018î de nasnameyê înan nêameyî zelalkerdene de eşkerayîyek daye.
• Amed de çalakîya paştîdayîşê grevê vêşanîye 

  Organîzasyonê HDPyî yê Amedî seba paştîdayîşê Leyla Guvene û xoverdayoxanê zîndanî yê ke grevê vêşanîye de yê çalakîyêk viraşte.
• 26 herêmanê Çewlîgî de qedexe ame dergkerdene 

  Walîtîya Çewlîgî da zanayene ke qedexeyo ke 26 herêmanê Çewlîgî de yeno domnayene do heta 24ê Çile ya 2019î bêro dewamkerdene.
• Sakîne Cansize mezela xo ser ameye vîrardene 

  Hîrê cinîyê şorişgêrî yê Kurdan Sakîne Cansize, Fîdan Dogane û Leyla Şaylemeze yê ke 9ê Çile ya 2013î de paytextê Faransa Parîs de ameyî qetilkerdene, serrgêra şeşine ya kişîyayîşî de yenî vîrardene.
• Wan de 9 tenî ameyî destbendkerdene 

  Dewanê Orenbûrç û Karahîsarî yê qezaya Sarayî ya Wanî de de 9 tenî ameyî destbendkerdene.
• HPG: Teyareyanê artêşa Tirkî hêrişê Qendîlî kerd 

  Merkezê Çapemenî û Îrtîbatî yê HPGyî da zanayene ke teyareyanê şerî yê artêşa Tirkî hêrişê herêma Qendîlî kerde.
• Colemêrg de dewlete seba xo xebitêna 

  Colemêrg de varayîşê vewre cuye arda nuqteya vindertişî. Şaredarîya ke ci rê qeyûm ameyo tayînkerdene zî bi viraştişê rayîranê eskerîyan meşxul o.
• Teyareyanê şerî Heftanîn bombardûman kerd 

  Teyareyanê şerî yê artêşa Tirkî herêma Heftanînî bombardûman kerde.
• Dêrsim, Çewlîg û Licê de perwerde ame vindarnayene 

  Dêrsim, Çewlîg û Licê de rîyê varayîşê vewre ra mekteban de perwerde ame vindarnayene.
• Guvene: Ganî ma bi mucadeleyê xo vengê xo berz bikerê 

  Leyla Guvena ke seba şikitişê tecrîdî 62 rojî yê grevê vêşanîye de ya vat, “Tecrîdê serê Ocalanî tecrîdêko hemverê heme merdimîye de yo. Ganî ma nê tecrîdî vindarnê, vengê xo bi mucadeleyê xo berz bikerê.” 
• PKK: Sûcdarê qirkerdişê Parîsî yenî pawitene 

  PKK: Qirkerdişê Parîsî hetê hêzanê faşîst-qirkerdoxan ê ke estbîyayîşê problemê Kurdî ra weyî benê ame kerdene. No hêriş hêrişêko vernîgirewtişê halkerdişê problemê Kurdî bi.
• GerîlayaYJA Starî Havîne Qendîl de ameye definkerdene 

  Gerîlaya YJA Starî Havîn Nisebîne bi nameyê bînî Medîne Çetîne Qendîl de bi merasîmêk ameye definkerdene.
• Partîyê Kurdan binê serbanê HDPyî de kewenê weçînitişî 

  Partîyanê Kurdan verê weçînitişê cayî qerarê îtîfaqî girewt. Partîyan tekstêko hempar eşkera kerd û vat ke înan semedê yewîya neteweyîye ya Kurdan gamêka tarîxî eşta.