KURDISTAN

Xeberê peyênî

• Hewlêr de grevê vêşanîye kewt roja xo ya 102’yine 

  Başûrê Kurdistanî de, grevê vêşanîye yo ke temsîlkarîya HDP’yî de dewam keno, kewt roja xo ya 102’yîne. Cinîyî yê Hewlêrî şîyî zîyaretê çalakwanan û paştdarîye daye ci.
• Tatosê Erziromî de 5 kesî ameyî tewqîfkerdene 

  Qezaya Tatosî ya Erziromî de çarçiweya operasyonanê qirkerdişê sîsayîyan de 15 kesî ke ameyîbî destbendkerdene, înan ra 5 kesî ameyî tewqîfkerdene.
• Fîdane: Silopya de keyeyê şarî ra qereqol do bêro wedaritene 

  Namzeta Hemşaredarîya Silopya Adalet Fîdane va: ”Ma do pêroyê sazîyê ke ameyê girewtene reyna akerê. Wexto ke şar ame sazîyan, xo qereqol de hîs nêkero.”
• HPG'yî Sîdekan de da îşxalkaran ro 

  Merkezê Çapamenî û Îrtîbatî yê HPG’yî da zanayene ke înan herêma Sîdekanî yê Başûrê Kurdistanî de derbeyê giranî dayê mewzî û stargehanê hêzanê îşxalkeranê Tirkan ro.
• Namzedîya namzeda HDP’yî ya Çewlîgî Kavrane amaye redkerdene  

  Namzedîya namzeda hemserekîya şaredarîya HDP’yî ya Çewlîgî Hatîce Kavrane ameye redkerdene.
• Rîyê topvaranê artêşa Tirkî ra daristanê Kurdistanî veşenê 

  Netîceyê topvarnê artêşê Tirkî de, nêzdîyê dewa Xelîfan ya herêma Bradostî de şewat vejîya û hêgayêko gird ra resa bax û baxçeyê dewijan.
• Çewlîg de zimistan zaf bizehmet ravêreno 

  Çewlîg de emser zimistan, zimistananê tewr zehmetan ê serranê peyênan ra yew o. Binê vewre ra banê şarî nêesenî û bisebebo ke şaredarîye zî karê xo raşt nêkena, şarî rê xizmet nêkana, seba hemwelatijan zehmetîya pîle esta .
• Pîranê Amedî de qedexeyê tebervejîyayîşî 

  8 mehleyanê qezaya Pîranî ya Amedî de qedexeyê tebervejîyayîşî ame îlankerdene.
• Buroyê Krîmînalî: Polîsan rasterast Kemal Kûrkût kerdo hedef 

  Roniştişê dewaya qetilkerdişê Kemal Kûrkûtî de raporê Buroyê Krîmînalî yê Mîyanneteweyî ame eşkerekerdene. Ame vatene ke polîsê bi nameyê Y.Ş. rasterast Kûrkût kerdo hedef. Dadgehî tewqîfkerdişê polîsê qetilkarî red kerd.
• Nasnameyê 3 gerîlayan ameyî eşkerakerdene 

  HPG’yî 3 gerîlayê ke 22’ê Nîsana 2017’î de şehîd bîyî, nasnameyê înan eşkera kerdî û sozê caardişê waştişanê şehîdan newe kerd.
• Yagiz: Bi girdkerdişê xoverdayîşî tecrîd do bêro şikitene 

  Endamê HDP’yî Nasir Yagiz 100 rojî yo ke grevê vêşanîye de yo û her çiqas ke hetê weşîye ra rewşa ci giran bibo zî çalakîya xo RÊ dewam keno. Yagiz wazeno ke şar xoverdayoxan rê wayîr bivejîyo û serra 2019’î do bibo serra serkewtişî.
• ‘Şarê Dêrsimî do xo bi xo îdarê bikero’ 

  Yewîya Hêzî ya Şorişgêre Dêrsimî buroyê xo yo dîyin ê weçînitişî taxa Sîhenkî de akerd. Îdarekerdox û pabesteyan reyde zaf zî hemwelatijî tewrê akerdişî bîyî.
• Toke: Ma sey roja verêne biqerar ê 

  Endama Meclîsê Îştarî yê Mexmûrî Fadîle Tok a ke 40 rojî yo grevê vêşanîye de ya vat ke ma hêzê xo xoverdayoxanê zîndanan, Leyla Guvene û Nasir Yagizî ra gênê. Ma sey roja verêne ya çalakîya xo, biqerar û bihêz ê.
• Tekoşîn Botane Binarê Qendîlî de ameye vîrardene 

  Gerîlaya PKK’yî Tekoşîn Botane serrgêra şehadetê ci de Binarê Qendîlî de ameye vîrardene.
• 'Xoverdayîşê grevê vêşanîye AKP’yî tersnenê' 

  Serekkomarê Tirkîya û Wezîrê Karanê Zereyî Soyluyî seba HDP’yî vatbi ‘HDP partîyêka legale nîya’. Naye ser parlamenteranê HDP’yî yê Wanî reaksiyon da Erdogan û Soyluyî û va, ‘Yewo îlegal ke esto o bi xo zî AKP û Soylu yê’.
• Rewşa weşîya Yagizî gran a 

  Nasir Yagiz seba werdatişê tecrîdê serê Rayberê Şarê Kurdî Abdullah Ocalanî 99 rojî yo grevê vêşanîye de yo, rewşa weşîya ci her ke şina xirabêr bena.
• Tatosê Erziromî de 8 kesî ameyî destbendkerdene 

  Qezaya Tatosî ya Erziromî de sereştişê keyeyan ê serê sibayî de 8 kesî ameyî destbendkerdene.
• 31'ê Adare de ma do peynîya hişmendîya îşxalkaran bîyarê  

  Namzedê HDP'yî yê Hemşaredarîya Pasûrî Fatma Aye û Emîn Ayî ard ziwan ke, ê do 31'ê Adare de qeyûman bişawê û bi projeyanê xo persanê qeyûman ra bixelesîyê û şarê xo rê xizmet bikerê.
• Namzedîya namzeda HDP’yî ya Depî Mutlu amaye redkerdene 

  Namzedîya namzeda hemserekîya şaredarîya HDP’yî ya Depî Serap Dogan Mutlu bi qerarê qetî ameye redkerdene.
• Yagizo ke rewşa ci xidar bîye ame berdene bi nêweşxane 

  Nasir Yagizo ke seba werdatişê tecrîdê serê Rayberê Şarê Kurdî Abdullah Ocalanî 99 rojî yo grevê vêşanîye de yo, rewşa weşîya ci biyê xirabêr, ame berdene bi nêweşxane.
• Silopî de gerîlayan hawa ra da baregehê eskerî ro 

  HPG’yî da zanayene ke qezaya Siloyî ya Şirnex de yewîyêka çalakîyanê hawayîyî virazena vera Baregehê Eskerî yê Hazilarî çalkîyêk viraşte. Bano ke hedef ame girewtene 4 rey ame bombardûmankerdene.
• Bazîd de gerîlayan da îşxalkaran ro: 6 eskerî merdî 

  Gerîlayanê HPG û YJA Starî Bazîd de vera wesayîtê zirxinî yê tîpê Kobra yê artêşa Tirkî çalakîya sabotajî viraşte. Wesayîto ke ame îmhakerdene de 6 eskerî ameyî kiştene.
• Yagiz hetê heşnayîş û dîyayîşî ra zehmetîye anceno 

  Nasir Yagizo ke 99 rojî yo Hewlêr de grevê vêşanîye de yo, êdî hetê heşnayîş û dîyayîşî ra zehmetîye anceno.
• Bedlîs de 4 kesî ameyî tewqîfkerdene 

  Di rojî verî merkezê Tetwanî û Norşînî de polîsanê Tirkî bi sereştişê keyeyan 11 kesî destbend kerdîbî. Nê 11 kesan ra 4 kesî ameyî tewqîfkerdene.
• Bayik: PKK destanan ra destanan aferneno 

  Endamê Konseya Rayberdişî ya KCK’yî Cemîl Bayikî vat, Leyla Guvene, Nasir Yagiz û kesê bînî yê ke grevê vêşanîye de yê ewro destanêkê tarîxîyî nûsenê û vat, “No destan zî do meşte vernîya destanêkê hîna pîlî akero.”