KURDISTAN

Xeberê peyênî

• Bi hezaran kesî Qendîl de seba Newroze ameyî têhet 

  Bi hezaran Kurdistanijî çar hetanê Kurdistanî ra seba Newroze ameyî têhet.
• Wan de sloganê xoverdayîşê grevê vêşanîye benê berz 

  Wan de bi seyan kesî vera zulmî bi sloganan û tîlîlîyan ver bi cayê Newroze şînê.
• Şarê Amedî bi slogananê vera tecrîdî verê xo da meydanê Newroze 

  Amed de şar bi slogananê vera tecrîdî verê xo da meydanê Newroze. Kuçeyê Amedî bi sloganan û tîlîlîyan zimenê.
• Cinîyan ê Çewlîgî semedê tewrbîyayîşê Newroze veng da 

  Cinîyan ê Çewlîgî semedê tewrbîyayîşê Roşanê Newroze yo ke siba do bêro pîrozkerdene veng da û waşt ke cinîyî bi kincanê xo yê neteweyîyî tewrê şayî bibî.
• HPG: Hêzanê ma Çelê de da îşxalkaran ro 

  HPG’yî da zanayene ke gerîlayan 19’ê Adare de vera artêşa Tirkî Girê Xeregolî yê qezaya Çelê ya Colemêrgî de çalakîye viraşte. HPG’yî derheqê hêrişanê hewayî de zî zanayîş da.
• Gerîlayî: Newroze de ma xoverdayîşî bi serkewtişî tecîdar bikerê 

  Gerîlayanê HPG'yî ard ziwan, Roşanê Newroze, tarî ra derbazê rojêka neweye bîyayîş o û vat, “Bi wesîleya Newroze ma xoverdayîşê grevê vêşanîye ser bifînê.”
• Xoverdayîşê Nasir Yagizî roja xo ya 120’ine de yo 

  Çalakîya Nasir Yagizî yo ke seba wedartişê tecrîdî grevê vêşanîye yê bêdem-bêagêrayîşî de yo kewte roja xo ya 120’ine, her roja ke şina halê weşîye yê Yagizî hîna bena xirab.
• Merdîn de 3 rojnamegerî ameyî destbendkerdene 

  Mêrdîn de mûxabîrê Ajansê Mezopotamya Ahmet Kanbal, muxabîra Jinnewsî ya Mêrdînî Rojda Aydine û rojnamegero serbest Alî Dînler ameyî destbenkerdene.
• Konseya Fermandeyî ya HPG’yî plansazîya şerî ya 2019’î viraşte 

  Fermandarîya Qerargehê Merkezê Pawitişê Şarî (HSM), eşkera kerd ke Konseya Fermandeyî netîceyê kombîyayîşêkê şeş rojan ra dima plansazîya şerî ya serra 2019’î viraşta. HSM’yî da zanayene ke qerarê xeylî muhîmî ameyê girewtene.
• Wan de operasyonê sîyasîyî: 23 kesî ameyî destbendkerdene 

  Wan de polîsan saetanê serê sibayî de eşt xêylî keyeyan ser îdarekarê HDP, DBP û endamê Meclîsê Şaredarîye zî tede 23 kesî destbend kerdî.
• 31 herêman ê Colemêrgî de qedexe ame îlankerdene 

  31 herêman ê Colemêrgî de seba 15 rojan qedexe ame îlankerdene.
• Derheqê Sezaî Temellîyî de tehqîqat ame destpêkerdene 

  Derheqê qiseykerdişê Sezaî Temellîyî yê kombîyayîşê daşinasyayişê namzedanê Dêrsimî de tehqîqat ame destpêkerdene.
• Yewîya Hêzî ya Dêrsimî: Grevê vêşanîye ganî tek rojdem bo 

  Yewîya Hêzî ya Şorişgêre ya Dêrsimî derheqê grevanê vêşanîye de beyanat da û va ‘tecrîd vera merdimahîye, sûcêko girano û ganî tek rojdemê ma grevê vêşanîye bê‘
• Gerîlayan Zagros de Newroze pîroz kerde 

  Gerîlayanê HPG/YJA Starî Zagorsan de bicoş Newroze pîroz kerde.
• Çewlîg seba Newroze amade yo 

  Çewlîgo ke 1991 ra nata Newroze bi beşdarbîyayîşê girseyanê girdan yena pîrozkerdene de, Serekê Komîteya Amadekarîya Newroze Zeynel Kayayî vat ke amadekarîyê bicoş dewam kenê, ê wazenê ke bi Newroze bale biancê serê têkoşînê şarê Kurdan o ke gird beno.
• PKK: Na hemle do bibo binkewtişê înan 

  Komîteya Rayberdişî ya PKK'yî vat ê xeta serkewtişî û xoverdayîşêkê tarîxî û xurtî kewenê Newroze û vat, “Her tewir zihnîyeto faşîst, kolonyalîst û qirkerdox binkewtişê xo nê mucadeleyê tarîxîyî de vîneno.”
• Hemserekê DBP’yî yê Cizîrî ame destbendkerdene 

  Hemserekê DBP’yî yê Cizîrî Selahattîn Kolanç ame destbendkerdene.
• Nasir Yagiz: Do nêeşkê serewedaritişê biîhtîşamî vindarnê 

  Nasir Yagizî xoverdayoxê grevê vêşanîye tepişte Zulkuf Gezeno ke hemverê tecrîdî de çalakîya fedaîye kerdebî bi vîr ard û vat, “Êyê ke ters û teslîmbîyayîşî ma ser o ferz kenê se kenê wa bikerê do nêeşkê serewedartişê fedaî yê biîhtîşamî vindarnê.”
• Dêrsim de maçê ‘Qeyûm do şoro, ciwanî ser bikewe’: Perî Ya Ma Ya 

  Musebaqeya Futbol a ke hetê namzedanê hemşaredarîyê Yewîya Hêzî ya Şorişgêre ya Dêrsimî yê Perî Orhan Çelebî û Songul Dogane amebi organîzekerdene û qeyûmî verê ci birnabi, vizêr dewa Şihsoyî de ameye viraştene.
• HPG’yî nasnameyê şehîdanê çalakîya Sîdekanî eşkera kerdî 

  HPG’yî nasnameyê 5 gerîlayan ê ke çalakîya Sîdekanî de şehîd bîyî eşkera kerdî. Eşkerayîya vizêrî ya HPG’yî de amebi vatene ke çalakîye de 23 eskerê Tirkî ameyî kiştene.
• Dêrsim 31’ê Adare de goşanê Enqere do bikero kerr 

  Endamê Koordînasyonê Weçînayîşî yê Yewîya Hêzî ya Şorişgêre ya Dêrsimî Yusuf Topçuyî derheqê xebatanê înan de qisey kerd û va ma ber bi ber danê piro û muhîmîya weçînayîşî resnenê şarî û ma do 31’ê Adare de goşanê Enqere bikerê kerr.
• Polîsan Goristanê Yenîkoyî de hêrişê parlamenteranê HDP'yî kerd 

  Amed de şaro ke waştêne mezela Zulkuf Gezenî yo ke seba wedaritişê tecrîdkerdişê Rayberê Şarê Kurdî Abdullah Ocalanî Hepisxaneyê Tîpê T’yî Hûmara 2’yîne yê Tekîrdagî de çalakîye kerde û şehîd kewt, zîyaret bikerê, polîsan hêrişê înan kerd.
• PKK: Do qesasê şehîdan bêro girewtene 

  PKK: Ciwan û cinîyê Kurdî, hemeyê şarê Kurdî do nê ewlad û hemrayanê xo yê ercayeyan rê wayîr bivejîyê û hemleya ma ya azadîye biresnê serkewtişî û qesasê hemrayanê ma yê şehîdan bigîrê. Gerîlayê ma yo qehreman xora her roje qesas gêno.
• Garîlayî: Ma do sey Kawayî vera AKP’yî bibê sîper 

  Gerîlayanê HPG’yî vat ma do hemverê îşxal û talanê Dehaqan de milê xo çewt nêkerê û vera heme polîtîkayanê înan ê çînkerdişî bibê sîper.
• KCK: Ganî şarê ma xeta fedaî ya Gezenî de xoverdayîşî pîl bikero  

  KCK: Ma veng danê şarê xo ke şehîdê zîndanî yê hemleya “Ma tecrîdî bişiknê, faşîzmî birijnê û Kurdistanî azad bikerê” yo ewilên Zulkuf Gezenî rê wayîr vejîyê, biherikîyê meydananê Newrozan, xoverdayîşî pîl bikerê û bi hawayêkê tewr biîhtîşamî oxir bikerê.