KURDISTAN

Xeberê peyênî

• Heyetê HDP û DBP’yî şîyî tezîye ya Mahsûm Pamayî 

  Heyetê HDP û DBP’yî şîyî tezîye ya Mahsûm Pamayî yo ke Hepisxaneyê Tîpê T’yî yê Xarpêtî de vera tecrîdkerdişê Rayberê Şarê Kurdî Abdullah Ocalanî çalakîya fedaîye viraştebî û şehîd kewtibi.
• Cenazeya Pamayî yê çalakwanê fedaîyî ameye wedardayene 

  Mahsum Pamayî, seba ke tecrîdê serê Ocalanî protesto bikero çalakîya fedaîyîye kerde û cenazeya ci, Cizîre de ameye wedardayene. Polîsan xêrca keyeyê ey nêverda kes beşdarê cenazeye bibo.
• Qeyûmî Şaredarîya Dêrsimî 68 mîlyon TL deyndar kerda 

  Serekê Şaredarîya Dêrsimî yê TKP’yî Fatîh Mehmet Maçogluyî şaredarîye bi 68 mîlyon û 350 hezar TL’yî bideyn dewr girewte.
• Polîsan Farqîn de guleyî varnayî keyeyan ser 

  Leşkeranê Tirkî dorê mehlayanê Mescîd û Konakî yê Farqînî yê Amedî girewtî û keyeyan ser o guleyî varnayî.
• Erdîş de endamê HDP û DBP’yî bi derbkerdişî ameyî destbendkerdene  

  Hemserekê DBP’yî yê Erdîşê Wanî Recep Onal û Mekan Beder û Hakan Bozdag ê ke vernîya Edlîye ya Edîşî de humartişê weçînitişî pawetêne bi derbkerdişî ameyî destbendkerdene.
• Silopî de sereştişê keyeyan de 3 cinîyî ameyî destbendkerdene 

  Silopî de hemsereka HDP’yî ya qeza Fatma Gunduze, maya Pakîze Nayir a ke wextê xoverdayişê xoîdarekerdişî de hetê dewleta Tirkî ra ameyebî qetilkerdene, Behîye Nayire û Maya Aşitî Emîne Ozeke ameyî destbendkerdene.
• Rojakewtena Kurdistanî de felaketê laserî  

  Eyaletê Lorîstanî yê Rojakewtena Kurdistanî de rîyê laseran ra şar tengayîya pîle anceno. Felaketê laserî cuya şarî ser o zaf tesîr kerd û bi des hezaran kesan ci ra zirar dî.
• Teyareyanê şerî yê Tirkî Zap û Garê bombardûman kerdî 

  HPG’yî da zanayene, teyareyanê şerî yê Tirkî roja 4'ê Nîsane herêmê Zap û Garê bombardûman kerdî. Goreyê eşkerayîye, netîceyê bombardûmanan de zerarêk nêresto hêzanê gerîlayan.
• KCK’yî seba şarê Rojakewtena Kurdistanî û Îranî veng da 

  KCK’yî da zanayene, Rojakewtena Kurdistanî û Îranî de bi seyan kesî rîyê laserî ra merdî, bi des hezaran keyeyî mexdûr bîyî û vat, “Hiş û paştdayîşî yê şarê Kurdan xurt o, ganî no ruhê paştdayîşî seba Rojakewtena Kurdistanî her ca de bêro ramojnayene.”
• Hezro de rayî newe ra yenê hûmaritene  

  Qezaya Hezro ya Amedî de sey xeylî cayanê bînan semedê îtîrazê AKP‘yî rayî newe ra do bêrê hûmaritene.
• Amed de sereştişê keyeyî de kesêk ame destbendkerdene 

  Kayapinarê Amedî de sereştişê keyeyî de kesêk bi îddîaya gerreyî ame destbendkerdene.
• Na bêvengîye derdê ma rê dermanê nêbena 

  Esmer Yikar a ke 2 lajê ci grevê vêşanîye de yê, reaksîyon da bêvengîya ke vera grevanê vêşanîye esta û vat, “Ganî her kes êdî biwerzo payan ser. Ma bi na bêvengîye derdanê xo rê derman nêvînenê.”
• Gerîlayan 4’ê Nîsane pîroz kerd: Ya serkewtiş ya serkewtiş 

  Fermendar Herekole, aktîvîteya rojbîyayîşê Rayberê Şarê Kurdî Abdullah Ocalanî de qisey kerd û va. “Rojbîyayîşê Rayberîye rojbîyayîşê yew şexsî nîyo, xêza heqîqet û serkewtişî temsil keno.”
• Xarpêt de erdlerz: Vîndîbîyayîşê ganî çîn o 

  Qezaya Sîvrîce ya Xarpêtî de binşewe bi girdîya 5.2 de erdlerz ame meydan. Erdlerz de vîndîbîyayîşê ganî çîn o. 3 dewan de xesar ame meydan.
• Cinîyê ciwanî yê Amedî şayîya wisarî virazenê 

  Rayberîya Meclîsê Cinîyanê Ciwanan ê HDP’yî de Amed de “Şayîya Wisarî ya Ciwanan” do bêra viraştene. Meclîsê Cinîyan ê Ciwanan semedê şayîya ke do bi şîarê 'Ma do miheqeq ser bikewê' bêro virşatene şarê Amedî dawet kerd.
• Şîîra ke cuya Çekdarê HPG’yijî vurnaya: Kotî ya roşnîya cuya ma? 

  Çekdar serranê 90’an de seba ke dewa ci ameya vêşnayene dewe ra vejîyayo û o wext ziwano xerîb nas kerdo. Gerîla Çekdar Giravîyî domantîya xo de yew şîîre nuşta û wexto ke reyna wenda beşdarê gerîlayî bîyo.
• Gerîlayanê YJA Starî Çelê da qereqolî ro 

  Gerîlayanê YJA Starî Çelê de vera artêşa Tirkî ya ke xo Qilê Sorî de ca kerdbi, çalakî viraşte.
• Çewlîg de qezayê tirafîqî de kesêk merd 

  Mabênê Bongilanê Çewlîgî û Mûşî de wesayîtêk qeza kerd, heta dere leyr bi, ramitox wefat kerd.
• Qezayanê Şirnexî de rojbîyayîşê Ocalanî ame pîrozkerdene 

  Qezayanê Cizîr, Hezex û Silopî yê Şirnexî de rojbîyayîşê Rayberê Şarê Kurdî Abdullah Ocalanî ame pîrozkerdene û ame waştine ke tecrîd wa cade bêro wedartene.
• Mudirê hepisxaneyî, xoverdayoxanê grevê vêşanîye rê, gefî wendî 

  Mudirê Dîyine yê Hepisxaneyê Girewteyî yê Tîpê L’yî yê Patnosî, xoverdayoxanê grevê vêşanîye rê, bi merg gefî wendî.
• Walîtîya Îdirî bajar de qedexe yê 15 rojan îlan kerd 

  HDP, îtîrazan ra dima Îdir de reyna weçînayîş ra serkewte vejîya û Walîtîya Îdirî bajar de 15 rojî çalaki û aktîvîteyî kerdî qedexe.
• Ozmen a Dayike: Ganî tecrîd cade bêro wedaritene 

  Çalakîyê grevê vêşanîye yê ke seba wedaritişê tecrîdê serê Rayberê Şarê Kurdî Abdullah Ocalanî ameyî destpêkerdene dewam kenê û rewşa weşîye ya girewteyanê Hepisxaneyê Hilwanî her ke şona bena girane.
• Tazîyeya Çitak ê HPG’yîjî de terorê polîsan 

  Polîsan eşt tazîyeya gerîlayê HPG’yî Osman Çitakî (Serfiraz Amed) ser û her ke sehna. Rayîrê dewa ke tede taziye ameya ronayene zî, hetê polîsan ra ame girewtene û kes nêeşkeno şoro taziye.
• Gerîlayanê HPG û YJA Starî 4’ê Nîsane pîroz kerd 

  Gerîlayanê HPG û YJA Starî Wareyê Pawitişî yê Medya de rojbîyayîşê Rayberê Şarê Kurdî Abdullah Ocalanî pîroz kerd. Fermandarî Tekoşîn Toprake û Orhan Bîngol zî tewrê aktîvîteye bîyî.
• Hîşyar Ozsoy: Kêmîye şarê Çewlîgî de nê ma de ya 

  Rêxistina HDP’yî ya Çewlîgî derheqê weçînitişî de eşkerayîyêk daye û xo rexne kerd. Hîşyar Ozsoyî vat ke ma şarê xo sucdar nêkenê, ewnîyenê xo ra, ma ça de xeta kerde, kêmîye kerde nînan ser vindenê.