Komeleya Heqanê Merdiman (ÎHD) a Dêrsimî derheqê projeyê madenî, înşaatê HESî, texrîbatê daristanî û leyminbîyayîşê dormeyî de eşkerayîye daye. Hemsereka ÎHDyî ya Dêrsimî Nurşate Yeşîl vat estbîyayîşê xozayîye, warê bimbarek û cuye semedê menfeatê tîcarî bi hewayêkê sîstematîkî yenê çînkedene.

Yeşîle bale ante ser ke sey Sekasur, Pulur, Cevizlidere, Geyiksuyu xeylê waran de projeyê maden û enerjî hem dormeyî hem zî mekananê bimbarekan tehdît kenê û vat: ''Nê falîyetî têna xoza nê, zirar danê kulutrê herêmê û cuyeya şarî zî. Nê projeyê ke bê testûrê şarî yenê caardene heqê merdiman binpay kenê.''

ÎHDyî veng da ke wa pêro ruhsatî bêrê betalkerdene, semedê pawitişê herême wa bêdestûrê qebulkerdişê şarê herême nê projeyî nêrê caardene, semedê nê wa serûberkerdişê qanûnî bêrê kerdene.