Çarçeweya 25ê Teşrîna Peyêne Roja Têkoşînî ya Mîyanneteweyî ya Vera Şîdetê Serê Cinîyan de Taksîmê Îstanbulî de bi hezaran barîkatê polîsan rijnayî û rayraşîyayîş kerd. Cinîyî bi sloganan vera şîdetê camêrd-dewlete Kuçeyê Îstîlalî de rayra şîyî.

Melîke Tahmaza ke eşkerayîye wende, vera keda zereyê keyeyî, şertê bêasayîşî yê xebatî, polîtîkayanê şîdetî  û bêcezaverdayîşî qerardarîya têkoşînî ard ziwan.  Tahmaza seba ke butçeyê 2026î de zaf pere semedê pawitişî ame cîya kerdene û semedê polîtîkaya cinîyan zaf tay ame dayene hêrsê xo ard ziwan û vat: ''Keyeyê şima mela birijîyo, ma do biciwîyê.''

Cinîyan vist vîrî ke mergê cinîyan ê şikkerdeyî nînê roşnkerdene, qerarê dûrfînayîşî nînê caardene û bale ante şîdetê dewlete ser. Çalakîye de  mesajê paştdayîşê cinîyan ame dayene. Cinîyan vat: ''Seba ke ma ra yewna kes kêm mebo, ma do têkoşînî rê dewam bikerê.''