Foza Yûsif rayîrşîyayîşo ke Têgêrayîşê Cinîyan ê Azadan (TJA) seba azadîya Rayber Apoyî fîzîkî ya bi şîarê " Bi hêvî ma ver bi azadîye rayîr şinê" Amed ra heta Ankara dayo destpêkerdene, ci rê mesaj şawit û wina vat:

"Nameyê pêroyê cinîyan ê Vakur û Rojhelatê Sûrîye ser o, pêro cinîyan ê beşdaranê nê rayîrşîyayîşî birûmet silam û heskerdişanê xo yê german şawena. Cinîyî azadîye wazenê, Rayber Apoyî Tirkîya de prosesêko tarîxî dayo destpêkerdene. Nameyê şaran û cinîyan ser o pêroyê meseleyan haştî de çareserkerdiş pêşkêş keno. Bawerîya ma est a ke no tena seba Vakurî ney, seba pêroyê Rojhelatê Mîyanênî kilîtê Ronesansêko newî yo. Meseleyan do bingeyî ra çareser bikero."

"Seba serkewtişê nê prosesî ganî sîstemê Îmralîyî bixerepîyo, Rayber Apo ganî şertanê azadan de sîyaset bikero. Seba ney ma vengê xo bi vengê şima kenê yew û vanê: Wextê azadîya Rayber Apoyî yo. Bi îradeyê cinîyan ma eşkenê pêroyê astengan wedarê. Biciwîyo têkoşînê cinîyan. Biciwîyo şorişê ma yê 'Jin, jiyan, azadî'."