Rayîrşîyayoxî, rayîrê Belê ser o ke Rayber Apoyî wextê xebatanê xo yê Curnê Reşî de sey "Rayîrê Azadîye" bi name kerdo, rayîr şîyê.

Cinîyan rayîrşîyayîşî de sloganê azadîye eştî. Peynîya rayîrî de tûyêre ser o çîtikê sipî daliqnayî, haştî û azadîye waşt.

Aktîvîsta TJA Adalete Çîmen Fîdan beyanat de manaya rayîrşîyayîşî îfade kerd û wina vat:

"47 serrî verê Rayberê Şarê Kurdî Abdullah Ocalan embazanê xo reyde tîya de rayîr şîyo û xebata rêxistine kerda. Tesbîto ke kerd, nasnameyê şarê kurdî qebul nêbîyo. Xo û embazanê xo ver rayîrşîyayîşêk rona. Bi hezaran qirr bîyî, bi hezaran zîndanan de mendî labelê no têkoşîn nêqedîya, her roje zêdîya. Azadîya Rayberê Şarê Kurdî azadîya cinîyan û şaran a. 27ê sibate ra nat prosesê ke Rayberê Şarê Kurdî Abdullah Ocalanî dest pêkerd, cinîyan vat ma nê prosesî rê wayîrîye kenê. Azadîya Rayberê Şarê Kurdî Abdullah Ocalanî ya fîzîkî ganî bêro temînkerdene. Tena Rayberê şarê kurdî eşkeno nê prosesî aver bero."

Çîmene Fîdan vat rayîrşîyayîş do dewam bikero: "Ma silamanê xo yê german şawenê Îmralîyî. Paytextê Kurdîstanî ra paytextê Tirkîya rê rayîrşîyayîşê ma do dewam bikero. Curnê Reşî ra silamanê xo yê german ma şawenê Îmralîyî."