Meclîsê Îştarî yê Kampa Koçberan a Şehîd Rustem Cudî yê Mexmûrî beyanatêk da. Bi şîarê "Rayîro tekane yê şiknaynayîşê qewetê komployan û komplogeran ciwîyayîşê komunal o, ciwîyayîşê fikr û nîyadayîşanê Rayberîye yo" vera qerarê "heqê hêvîye", Rayber Apoyî reyde nêpêvînayîşê komîsyonî û Komployê Mîyanneteweyî yê 9ê teşrîna verêne aktîvîteyan dest pêkerd.

Endama Koordînasyonê Meclîsê Îştarî Qîmete Nerexî Dezgeha Keyeyanê Şehîdan de qisey kerd û vat: "No komplo tena vera Rayberîye ney, vera îradeyê şarê kurdî zî ame kerdene. Şexsê Rayberîye de nasnameyê şarê kurdî û estbîyayîşê ci waşt qir bikerê. Labelê komplo bi têkoşînê Rayberîye û waştişê şarê kurdî veng vejîya."

Qîmete Nerexî vat ne komplo ne zî komplogerî tu wext nêeşkenê biresê amancê xo: "Sey cinîyan ê kampe, pêşengîya Meclîsê Îştarî de rêzêk aktîvîteyî dest pêkenê. Aktîvîteya nobete yew aşme do cinîyî bigîrê, semînerî do bêrê dayene, platformî do bêrê organîzekerdiş û 9ê teşrîna verêne de pêşengîya cinîyan de vera komployî rayîrşîyayîş do bêro organîzekerdiş."

Nerexî vat seba azadîya Rayber Apoyî ya fîzîkî bi qerardarî têkoşînê xo do dewam bikerê.

Beyanat bi sloganan qedîya.