Amed, Şirnex, Dîlok, Meletî û Riha de çarçeweya ''Têhetameyîşê Haştîye û Komelê Demokratîkî'' de kombîyayîşê şarî ameyî kerdene.

Dewa Meyadunî ya qezaya Erxenî ya Amedî de kombîyayîşê şarî ame kerdene. Hemşaredarê Erxenî Şîyar Guldîken û îdarekarê DEM Partî û DBPyî yê bajar û qeza zafê înan cinîyî bi seyan kesî tewrê kombîyayîşî bîyî. Kombîyayîş de qala ''Vengdayîşê Haştîye û Komelê Demokratîkî'' yê Rayber Apoyî ameye kerdene. Hemwelatîyan vat paştîya înan Rayber Apoyî ra pêt a û waşt wa dewlete game bierzo.

Dewanê qezayanê Cizîre û Silopya yê Şirnexî de zî bi tewrbîyayîşê sîyasetmedaranê DEM Partî û DBPyî kombîyayîşê şarî ameyî kerdene. Kombîyayîşan de dîmenê vengdayîşê Rayber Apoyî û merasîmê Koma Haştîye û Komelê Demokratîkî ameyî seyrkerdene. Qiseykerdişanê şarî de bale ameye antene muhîmîya yewîya neteweyîye ser. Qiseykerdoxanê ra yewî ard ziwan ke xeyrê Rayber Apoyî ewro pêro dinya kurdan nas kena û vat kurdî gerek ewro ra tepîya semedê girewtişê heqanê xo bibê yew.

Reyna Dîlok, Meletî, Riha de zî bi eynî waştişî kombîyayîşê şarî ameyî kerdene. Kombîyayîşan de bale ameye antene muhîmîya yewîya neteweyîye ser û azadîya fîzîkîye ya Rayber Apoyî ameye waştene.