Wekîla HDPyî ya Anqara Fîlîze Kerestecîoglu  2 endamê Meclîsê Ciwanan ê HDPyî Anqara de ameyî remnayene ser o û Xoverdayîşê Bogaziçi ser o Meclîs de kombîyayîşê çapemenîye kerd.

Fîlîze Kerestecîglu eşkera kerd ke 2 endamê cinîyî 2ê sibate de hetê 6 kesan ra ameyî remnayene û vat:''Endamo verên ê Meclîsê Partîye yê HDPyî Erol Çîftçî zî hetê polîsan ra amebi berdene qereqol û qereqol de ci rê 'şahîdîyeya nimitîye' amebî ferzkerdene. Erol Çîftçî çira maruzê nê kerdişan bi? Çunke o terefgîrê HDP yo, kurd o.''

Fîlîze Kerestecîoglu dima bale ante Xoverdayîşê Bogaziçi ser û vat: ''Meseleya qeyûmî têna mesleya Bogaziçi nîya meseleya şaredarî, rêxistin û dezgehan a; na mesele meseke Zanîngehê Colemêrgî ya ke 6ê sibate de tira qeyûm ame tayînkerdene. Meseleya qeyûmî meseleya ma pêroyînan a.''