Tarîxnaso fransiz Jean-Numa Ducangeyî mesajê piştîye yê vengdayîşê 27ê sibate yê Rayber Apoyî şawit û vat: "Meseleya kurdî rê bi perspektîfê demokratîk û haştîyane piştîdayîş her demî ra muhîmêr o."
Jean-Numa Ducangeyî DEM Partî rê derheqê Vengdayîşê Haştî û Komelê Demokratîkî yê 27ê sibate de mesajê piştîye şawit.
Mesaj wina yo:
"Ez piştî dana hewldayîşanê şima. Têkoşînê estbîyayîşê şarê kurdî, ewro qonaxê mîyanneteweyî de zaf ameyo peygoşkerdene, seba ney zêdeyêr meşrû û lazim o. Gelekî kesî seba heqanê şarê Filistînî protesto organîze kenê labelê têkoşînê kurdan ameyo vîrrakerdene. Seba ney, meseleya kurdî rê bi perspektîfê demokratîk û haştîyane piştîdayîş her demî ra muhîmêr o. Vengê kurdan zî est o û no veng bi perspektîfê komarêka demokratîke û komelkî şekil gêno. Eke hema zî manaya enternasyonalîzmî est o, na mana ganî tîya bi hawayêko şênber bêro ciwîyayene; ameyoxê pêroyî yê şaranê tirk û kurdan ganî binê garantî de bibê."
Jean-Numa Ducange kam o?
Ducange profesorê tarîxê muasirî yê Unîversîteya Rouen Normandîye yo û endamê l'Institut universitaire de France yo. Welatanê ke fransîzkî û almankî qisey kenê, ceryanê çepgirî û mîrasê Şorişê Fransizî yê dinyaya muasire de pisporîya ci est a. Nê waran de bi ziwananê cîya-cîyayan gelekî meqale û eserî nuştî. Eynî demî de kovara "Actuel Marx"î de hemîdarekar û kovara Mouvement ouvrierî de mudîrê pêroyî yê weşanî yo.
