Hemserekê Komeleya Cigêrayîş û Çimdarîya Barkerdişî ya Mezopotamya (GOÇ-DER) Murat Sari yo ke tewrê kombîyayîşê 11. yê Komîsyonê Demokrasî, Wayûbiratîye û Paştdayîşê Mîllîyî bi ANFyî rê qisey kerd. Sariyî vat ê komîsyonî muhîm vînenî û derheqê erjnayîş û waştişanê xo de raporêk teqdîmê komîsyonî kerdo.

Sariyî vat: '' Seranê 1990yan de 3 hezar û 700 dewî û mezrayî ameyî vengkerdene. Seba ke nê cayî newera bibê cayê ciwîyayîşî ganî serûberkerdişê qanûnî bêrê kerdene. Însanê ke bizorî erdê xo ra ameyî vetene herra xo rê agêrayîşê înan motîvasyono gird afirneno. No eynî wextî de paştî dano prosesê haştîye zî. Sîstemê qorîcîtîye verê nê agêrayîşan de sey astengêkê mîlîtarîstî vindeno. Ganî no asteng bêro wedaritene.''

Murat Sariyî vat ganî semedê agêrayîşê  roniştoxanê Kampa Mexmûrî zî xebatî bêrê kerdene û veng da ke semedê agêrayîşê dewan wa lezabez zemîno qanûnî bêro pêardene.