"Komîsyonê Demokrasî, Wayûbiratîye û Paştdayîşê Mîllîyî" ke Meclîsê Mîlletî yo Gird ê Tirkîya de seba çareserîya meseleya kurdî awan bîyo, kombîyayîşê xo yo 13. kerd.

Serekê Komîsyonî Nûman Kurtulmuşî vatişê akerdişî de vat merheleya goşdarîkerdişî û muzakereyî nêzdîyê peynî de ya. Kurtulmuşî vat: "Hêvî kena ke demêko tewr kilm de qiseykerdişî, goşdarkerdişî û muzakereyê xo ma temam bikerê û prosesê ameyoxî rê tedbîrê lazimî û gamê ke do bêrê eştene, çarçewayêka hîraye de amade bikerê, pêşnîyaranê xo heyetê pêroyî rê bişawê."

Roniştişê yewinî de Komela Huqûqnasan, Enstîtuya Huqûqê Tirkî, Komela Huqûqnasanê Azadîye (OHD), Komela Avûkatanê Sosyal Demokratan (SODAD) û Komela Cigêrayîşanê Huqûqî (HUDER) ameyî goşdarîkerdene. Roniştişê dîyinî de Prof. Dr. Abdurrahman Eren, Prof. Dr. Fazil Husnî Erdem, Prof. Dr. Îlhan Uzulmez, Prof. Dr. Mehmûd Qoca û Prof. Dr. Behrî Ozturk fikrê xo pare kerdî.