Serekwekîla Koma Meclîsî ya DEM Partî Gulîstane Kiliç Koçyîgît derheqê pêvînayîşê Komîsyonê Demokrasî, Wayûbiratîye û Paştdayîşê Mîlî ke 24 teşrîna peyêne de Rayber Apoyî reyde ame kerdene ,Heyetê Pêroyî yê Meclîsî de qisey kerd.

Gulîstane Kiliç Koçyîgît vat: ''Vizêr  bi qerarê Komîsyonê Demokrasî, Wayûbiratîye û Paştdayîşê Mîlî  Îmrali de Birêz Ocalanî reyde pêvînayîş ame kerdene. Pêvînayîş semedê rayraşîyayîşê haştîye û demokrasî yê Tirkîya de gamêka muhîm a ke do warêkê neweyî abikero. No averşîyayîşêk o ke berê haştîye  û wayûbirayî ke bi serran o yeno pawitene akerd. Ganî wina bêro erjnayene. Kombîyayîş semedê ameyoxê hemparî yê şaran eşkeno bibo zemînê dîyalogî.''

Endama komîsyonî Gulîstane Kiliç Koçyîgît nê vatî: ''Birêz Ocalanî pêvînayîşî ma de sere de şarê tirk-kurdî  zelal îradeyê pêro şarê herême mîyanê haştîye de, seycîye, azad pîya biciwîyê fîna meydan. Vizêrî ra nata Prosesê Haştîye û Komelê Demokratîkî bertengêk xo dima verda. Hetê ameyoxê Tirkîya ra serkewtişê nê prosesî zaf muhîm o. Rayîrê serkewtişî  o yo ke pêro dezgehê sîyasetî şefaf, qerardar û cesur wayîrê prosesî bivejê. Semedê xurtkerdişê haştîya komelkî xebata hempare hewce kena.''

Wekîla DEM Partî Gulîstane Kiliç Koçyîgît wina dewam kerd: ''Ma waştêne ke pêro komîsyon şiro Îmrali la wina nêbo. No pêvînayîş semedê Tirkîya zirar nîyo, qezenc o. Ma reyna vanê: Meseleya kurdan nêeşkena mîyanê sînorê sîyasetê aktuelî de bêro hepskerdene. Qet partîya sîyayî nêeşkena goreyê menfeatê xo bişuxulno. Meseleyanê bingeyînan ê Tirkîya ra yew a verê demokrasî asteng kena û ganî bêro çareserkerdene.

Tirkaya û herême de her wextî ra zafêr haştîye lazim a. Her kes ganî nê perspektîfî esas bigîro û goreyê ne polîtîka û pratîkan aver bêro. Ma sey DEM Partî semedê serkewtişî prosesî berpirsîyarîya xo zanê la berpirsîyarîya îqtîdar, muxalefet û dezgehanê dewlete zî est a. Seba ke rayîrê haştîye bêro averşayene ganî qanûnê ke hewce kenê, bêrê serûberkerdene.  Haştîye bi cehdkerdişê yew hetî nêbena, bi îradeyê hemparî yê komelî bena. Ganî hinî no firseto tarîxî bêro erjnayene, raporê komîsyonî helêke cuwa ver bêro temamkerdene û Heyetê Pêroyî de serûberkerdişê qanûnî lezabez bêrê kerdene. No berteng bi gamanê cesur û qerarin  eşkeno bibo bimana; haştîye têna înşakerdişê bawerî bibo komelkî.'2