Dezgehanê elewîyan ê Tirkîya (ABF, ADFE, HBVAKV) Sultanganîzîye Îstanbulî de eşkerayîye daye û hêrişo ke Sûrîye de vera elewîyan yeno kerdene sey qirkerdişî pênas kerd.

Eşkerayîye de ame vatene ke biyabetî dormeyê Humusî de hêrişê ke vera komelê elewîyan benê, têna netîceyê şerî nîyê, no nefreto rêxistinkerde û dewamê polîtîkayanê cînkerdişê elewîyan o.

Eşkerayîye de ame vîrvistene ke grûbê ke pabesteyê Heyet Tahrir el-Şam (HTŞ) yê xeylê wext o elewîyan û xirîstîyanan hedef genê û ame vatene sere de Tirkîya xeylê dewletî eşkera ya zî bi rayîranê bînan paştî da nê HTŞyî ke ê zî hemkarê nê qirkedişî yê.

Çalakîye de nê hêrişî nê sûcê şerî ameyî hesibnayene û ame waştene ke wa Colanî û HTŞ sey sûcdarê şerî bêrê îlankerdene û bêrê muhakemekerdene.

Dezgehanê elewîyan qewimîyayîşê Sûrîye sey Kerbaleyê roja ma name kerd, semedê şaranê mazlûman mesajê paştdayîşî da û veng da dezgehanê mîyanneteweyî ke wa bêveng memanê.