Ciwanan badê muracato ke Anqara de Wezîrîye Edaletî rê kerd, verê wezîrîye de eşkerayîye daye û waştişê xo raypêroyîye rê pare kerd.

Vervatoxê Meclîsê Ciwanan ê DEM Partî Rezan Kaganarslanî vat heyet nizdê hîrê aşman o çarçeweya xebatanê Yewîya Neteweyîye de ame oranîzkerdene û xeyêlê partîyê sîyasîyî û grûbê ciwanan ê Başûrê Kurdîstanî zî paştî danê ci. Kaganarslanî ard ziwan ke temsîkarê YNK û tay partîyan nêeşkayî vîzê bigîrê coka tewrê heyetî nêbîyî û vat: ''Heyetî Mêrdîn, Riha, Amara û Amed de xeylê temasî ker.''

Temsîlkarê Partîya Kedkaran a Kurdîstanî Shko Şîvan zî ard ziwan ke ê bi nameyê dezgehanê komelê sîvîlî yê Başûrê Kurdîstanî Anqara de yê û vat ê wazenê paştî bidê prosesê haştîye yê Tirkîya. Şivanî vat: ''Şarê kurdî tim hetê haştîye  û yewîya demokratîke de yo. Seba ke prosesê haştîye bêro averberdene, Tirkîya de îstîkrar bêro pêardene ganî Birêz Ocalan serbest bêro veradayene û ma wazenê ey de pêvînayîş bikerê.''

Sekreterê Ciwanan ê Partîya Demokratîke ya Sosyalîste ya Kurdîstanî Salar Abdurrahmanî  zî  îfade kerd ke înan pê zîyaretê xo waşt hem derheqê rewşa sîyasîye ya Vakure de zanayîş bigîrê hem zî averşîyayîşê herême bierjnê. Abdurrahmanî ard ziwan ke ciwanê kurdan ganî semedê haştîye bixebitê û vat: ''Kurdan tarîxî ra semedê azadîya xo zaf bedelê girdî dayî. Ma nika wazenê bi mekanîzmaya ciya, metodanê cîya cîyayan  waştişê dewleta xoser û azade bîyarê ca.''

Badê eşkerayîye heyet muracatê xo yê bi waştişê pêvînayîşê Rayber Apoyî Wezîrîya Edaletî rê teqdîm kerdî.