Meqamanê Almanya da zanayene ke ê do 28ê tebaxe de Mehmet Çakasî Tirkîya rê tebersînor bikerî. Şarê kurdî û dostê ci vera na bêhuqûqîye bi çalakîyan vengê xo keno berz û paştî dano Çakasî.

Bajarê Hannoverî yê Almanya de semedê paştdayîşê Mehmet Çakasî çalakîya çadire ya lezabeze ameye kerdene. Çalakîye hetê Meclîsê Cinîyan ê Ronahî yê Hannoverî û Komunê Cinîyan ê Meryeme yê Hildesheimî ra ameye organîzekerdene.

Warê çadire de stand ame ronayene û fotografê Çakasî û dovîzî ameyî daliqnayene. Çarçeweya kampanyaya îmzayan de semedê vindarnayîşê qerarê îadeyî îmzayî ameyî arêdayene. Reyna vilawekî ameyî vilakerdene û derheqê babete zanayîş ame vilakerdene.